تخطى إلى المحتوى
الرئيسية » الدراسة و الزوج و العيال واهل الريل و اهل الحرمه عطوني رايكم

الدراسة و الزوج و العيال واهل الريل و اهل الحرمه عطوني رايكم

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم و الرحمه

هلا خواتي بغتكم اتناقشون وياااي هالموضوووع لانه مهم بالنسبالي …من حيث بحثي و حياتي الخاصة

احينه وحده امعرسه و عندها عيال و يالسه في بيت اهل الريل و اتروووح الجامعه و مرات تتأخر و مرات عادي… تنشغل في دراستها….مرات عادي ويا الريال و مرات ولا اتشوفه من التعب . ما ادق ع احد و لا اتزور احد… نادر ما ايطلعون ويا بعض….

هل الزوج ..وينها هاااي من فتره ما شفناهااا … عنبووو كل هاااه دراسة …. شوووفوا هالعيال كيف مهملتنهم وااااااع اهمال خخخخخ

اهل الزوجة …وينهم من متى ما شفناهم …تيلفون ما ايدقون …

خخخخخ سويتلكم قصه … شو تنصحونها شوووووو اتسوي …كيف اتنظم وقتهاااا و اذا كنتي مكانها شو بتسوين …..؟؟؟؟

الوسوم:

7 أفكار بشأن “الدراسة و الزوج و العيال واهل الريل و اهل الحرمه عطوني رايكم”

  1. نور
    الرد

    أنا احتمال اشتغل قريب و احاتي بنتي لأن ساعات الدوام طويله .. و انا من النوع اللي يوم ايي من الدوام لااااااااااااااااااااااازم ارقد علشان اجدد نشاطي .. بروووحي ابي نصيحه … >>> ما مني فايده خخخخخخخ

  4. خديجة
    الرد

    ااااه حالتي الحين

    اداوم من 7 الين 2 ارد البيت بنتي صغيرة عمرها 8 شهور ماتخليني ارقد

    عندي البيت يبى تنظيف

    لازم اطبخ

    لازم اكوي

    بنت كله وراي ماتسكت … (اتحدى الجيران كرهوني)

    لا واخر الليل لازم اتعدل واتكشخ حق ريلي … واسهر معاه … ولو ماسهرت يقول انت خلاص ماتحبين تقعدين معاي …

    لا وازيدكم من الشعر بيت … البيبي هاي … مب هينه … توعيني من الرقاد 20 مره في الليل

    يعني لا رقدت ظهر ولا رقدت ليل

    والله اني تعبت … ماعرف شو اسوي

    اقطع عمري …

  5. كوثر
    الرد

    اممممم ،،
    بقولج مرت أخوي شو تسوي..
    تنش الصبح ويا ريلها عااااادي،،
    تحط بنتها مرة عند امي ومرة عندج أمها،،
    طبعا مع الشغالة وتحت مراقبة اليدة،،
    تروح الدوام عااادي،،
    وفي الردة تاخذ بنتها من عند أمها أو أمي،،
    وتروح بيتهم وتريح لها ساعة أو ساعتين ،،
    طبعا تنام مع بنتها لآن معلمتنها يوم ماما تبا تنام بعد البنت يا تنام او تلعب في الغرفة بالعرايس مالها،،
    يوصل أخوي ع الساعة 3 أو 3:30 ظهرا"
    يحطون الغدا ويتغدون ويبتدي يومهم عادي ،،
    العصر لو بغوا يطلعون ترى يطلعون ولو كانوا مالهم خاطر حطوا DVD Film
    و جي،،
    والسموحة على الإطالة،،
    يتغدون

  6. شريفة
    الرد

    الله يعينج ^_^

    لازم ترتبين وقتج غاليتي

    اهم شي بيتج وعيالج ^_^

    يوم تخلصين من الدوام ارقدي 30 دقيقة ( تراها كافية )

    بعدها خذي شور صحصحي شوي

    واتجهزي حق ريلج

    تمي مع عيالج تلعبين لين يي بعلج المصون وتمو مع عيالكم شوي ^_^
    بعدين بالليب خلهم يرقدون وتمي مع ريلج روحكم سولفو عن يومكم ^_^
    وأحيد بيكون عندكم وقت بعدها اذا تبغون تطلعون

    وأهم شي اختي أوصيج بصلاة الفجر وتقرين قرآن ولو 15 دقيقة بس ,, صدقيني بيستوي يومج فيه البركــة ووقتج زايد ومرتب ^_^

    ربي يوفقج لكل خير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.