الحرف اليدوية القديمة في الإمارات

أختي العزيزة بعد ما سويت عصف ذهني حق مخي طلعت هاي الفكرة و كلي أمل إنها تعجبج و تعجب الموجهة إن شاء الله ….. الفكرة هي :

7 بنات يظهرون يكونون لابسين لبس تراثي وكل بنت تمثل إمارة من الإمارات السبع و يكونون متفرقين في الصف وتكونين أصلا سويتي الصف مجموعات وكل مجموعة عندهم صورة عن حرفة من الحرف و يتناقشون فيما بينهم عنها وبعدين 7 بنات يجتمعون و يفكرون إنهم يتحدون و في النهاية تطلع بنت لابسة زي متطور و تنشد النشيد الوطني بمجرد ما تطلع هاي البنت يتوقفون عن المناقشة وبعد ما تخلص البنت النشيد تحطين صور لمهن حديثة ( مكاتب و غيره ) …….

إن شاء الله تكون الفكرة حلوة في نظرج …….

الحرف المعروفه قديما في الامارات
الغوص
الطواشه
بناء السفن
المطوع
السماج
اكيد في حرف زيادة .. بس هاي الي تحضرني الحين
لبس كمن طالب زي راعي الحرفه .. و المطوع حطي جدامه كمن طالب يدرسهم .. و حطي لكل حرفه بعض الادوات المستخدمه .. مثلا الغواص ، الشبكه الي يلقط فيها المحار و الشي الي يحطه على خشمه -وايد اشياء سوي بحث عنهم- .. و بالنسبه للسماج ، اذكري انواع الصيد -بالليخ و الجرجور و الحظره ، سوي بعد بحث على باقي الانواع- و ييبي اذا تقدرين سنابل او صور من هاذيج الادوات .. و بالنسبه للمطوع اذا تقدرين سوي فقرة ختم القرآن ، و الاحتفال البسيط الي كانو يسوونه قبل
و اذا تبين سوي خلفيه ورا كل مهنه مثلا ستاند تكتبين عليه وصف للمهنه و بعض الصور
ان شاء الله تكونين استفدتي

للرفع