الحبه الحمراء

عزيزتي عندي طريقتين الاولى طريقة الوالده الله يحفظها ويطول عمرها /اتودنين الحبه الحمرا بعد غسيلها وتفورين الماء وتحطين الحبه الحمرا والحلبه والقرفه والفلفل الاسود وفنجان سمن وبعدما يغلي فتره تحطين شوية طحين مقلاي وتحركين لين تتماسك ……………اماطريقتي تودنين الحبه الحمرا وبعدين تحطينها على النار مع الحليب والسكروالزعفران وتحطين شوية كسترد وذوبينه في كوب ماء وتصبينه للباقي مع التحريك

أنا بعد عندي طريقة وإن شاء الله تعيبج
أول شي اتودنين الحبة الحمرا كثر فنجان قهوة أو الكمية اللي تبينها
بعد نص ساعة أو أكثر شوي مو مشكلة تخلطين مع الحبة الحمراء طحين مع الماي
اتجهزين الجدر اللي باتسوين فيه
اتصبين الزيت ( لا تحطين وايد) اتحمسين حبة سودا محمسة ومطحونة , كمون , فلفل أسود, زنجبيل بودر, بتطلع لج الريحة الحلوة وبعدين اتصبين الحبة الحمرا وتخلطين واتضيفين السكر على ذوقج
واتخلينها على النار لحد ما اتحسين إنها مب خفيفة وايد ولا ثقيلة
وبالعااااااااااااااااااااااافية عليكم تراني وايد أحبها