الثقه بالنفس ! كيف اطورها وأقويها ؟!

حبيبتي يمكن انتي يهمج وايد راي الناس فيج عشان جيه تفضلين السكوت على الكلام عشان محد يسفه رايج أو يعق عليج كلمه تغثج ،، وهاي صفه مب مذمومه فيج ،، بس في هالزمان ما تنفع ،، ابتدي في الكليه بين ربيعاتج وزميلاتج اللي تعرفينهم ويعرفونج ،، لا تخافين أبدي رايج بكل صراحه ولا تتوقعين أن ردهم يكون مب زين سبحان الله يمكن يحبون أفكارج،، وإذا ردوها عادي شو يعني ؟؟!

خذي الامور ببساطه حتى لو حد قالج شي لا تمين حاطه في خاطرج واعتمدي سياسه التطنيش،، طبعا مب كل حد يغلط عليج تسكتينله ،، بس انا قصدي لا تكدرين عمرج على الاشياء الصغيره،،

نصيحتي لج أقري كتب لناس متخصصين في هالامور لان رايي أنا بس ما بينفعج،، والله ماشي مثل القراءه توسع الافق ،، والله يوفقج ياربي

اختي حاولي تتكلمين بجمل قصير حكيمه كبدايه…. لا اتبربيرين شرات الحريم… لا قولي ما قل و دل و مع الايام جوفي كيف.. و بنفس الوقت حبيبي ربياعتج فيج اكثر…عسبب يهتمون فرايج لو حتى ما كان صويب… و لا تتغيرين وايد لا خليهم يحبونج على شخصيتج

خلي يكون عندج تقة بالنفس مثلا سرتي السوق و عيبج نستان بس خواتج عايبنهم شو بتختارين ذوقج و لا ذوق خواتج ؟؟؟ اكيد ذوقج و دايما اتخذي قراراتج روحج و استشيري اللي اكبر عنج مب كل صغيرة و كبيرة بس البعض

و بث

موفقه ان شا الله ^^