البسبوسة الملكية ,, محشية بالقشطة و المكسرات : سويها للعيد وانتى واثقه

البسبوسة الملكية !

بسبوسة رهييييييييييييبة رهيبه

اتحدى تجربينه و ماتدمنين عليها
ملكية وترررررفع الراس

لذيذه و خفيفه و راقيه في التقديم !

البسبوسة تتكون من عدة خطوات :

اولا مقادير البسبوسة

3 كاسات سميد
2 ملعقة سمن نباتي : اصيل
3 ملاعق الطحينية او الهردة
فنيان سكر

ذرة فانيليا
3 ملاعق حليب نيدو
بيضة وحده
ملعقة اكل بكن بودر
ماي ورد مقدار فنيان قهوة
كاس روب المراعي او اي نوع يكون كامل الدسم و ثجيل ( ممكن نادك او المرموم )

نخلط جمممممممميع المقادير بالخلاط اليدوي و نتركها على جنب

مقادير القشطة :

2 ملعقة نشاء
كاس و نص حليب طازج
ملعقة اكل ماي ورد
ملعقتين سكر

نحرك جميع المقادير و نتركه على نار خفيفه لين مايبدئ بالغليان و يثخن

الان نحتاج لنصف كوب فستق مطحون خشن

وبنيين صينية بايركس حجم صغير او وسط

ندهنه بالهردة ( الطحينية ) !! لا تستغربون
ادهني الصينية من كل الجوووانب

ونبدئ في الخطوات

1- طبقة خفيفه من خلطة البسبوسة
2- نغطيه بالفستق المجروش
3- نصب خلطة القشطة على الفستق و نمده ,, لكن نلاحظ ان لا يروح ع الاطراف
4- نحط طبقة من خلطة البسبوسة

الخطوات واضحه هنيه

ندخلها الفرن : 25 دقيقه و نحمرها من فوق

طبعا قبلها بنجهز الشيرة

كاس و نص ماي
كاس و نصف سكر
زعفران و ماي ورد + شوية عصير ليمون

نتركة يطبخ ع النار 10 دقايق و نسكره

وبعد ماتجهز البسبوسة ,, نسقيها من الشيره بالكامل

هنيه قطعتها وهي حاره

لكن انتوا اتركوها تبرد ساعتين بعدين قطعوها و تمتعوا بالذ طعم

وع الطبيعه خبببببببببببال و لذيييييييييييييييييييييييذه لذيذه

اجمل تحية و مودتي