تخطى إلى المحتوى
الرئيسية » البامبرز وقت النوم!!

البامبرز وقت النوم!!

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

اشحالكم خواتي؟؟
بس عندي استفسار وياليت تساعدوني..
بنتي عمرها 3ونص ,,,, تقريبا من سنه تاركه الحفاض بس وقت النوم البسها لين وصلت هالعمر ,الحين خليتها ترقد بدون حفاض تقريبا 4 ايام وكل يوم قبل ماترقد اقوللها تراج مب لابسه بامبرز لا تسوين في ثيابج اذا تبين تسوين شي وعيني بوديج الحمام., بس للاسف مافي فايدة كل يوم توسخ ثيابها وفراشها.. شو اسوي!!!!! كيف اتعامل وياها؟؟على فكره تراها عنيده وتسوي اللي في راسها.. ياليت تفيدوني يزاكم الله خير..

الوسوم:

6 أفكار بشأن “البامبرز وقت النوم!!”

  1. kholoud
    الرد

    عادي حبوبه هالشي

    انا عندي ثلاث ولما كانو بسن بنتج ألبسهم بامبرز صعب بهالسن لنها بعدها صغيره انها تنش من النوم

    اصبري عليها شوي

  3. مريم
    الرد

    اصبري عليها شوي اختي هيه اروحها بتضيج منه وبتفجه روحها انا جيه بنتي يوم كانت في سنها كنت دوم بس في الليل البسها بامبرز وبعدين اضيجت منه وقالت ماما انا مابا البسه وتمت كل يوم او يومين تخيس عمرها لين ماعودتها قبل ماترقد بساعه ما اشربها شيء والحين الحمدالله ما البسها ولا تخيس عمرها واحين بدش 6سنين صبري عليها فديتج

  6. رحمة
    الرد

    اختي قبل لا تنام بنتج بساعه حاولي ما تعطينها سوائل ثاني شي انتي روحج نشي ووعيها وخذيها الحمام انا كنت اشل بنتي وهي سنتين واقعدها عالكرسي الله يعزكم وتسوي واردها وما كانت تبلل سريرها تمي معها اسبوع وعقب هي بتتعلم انها تمسك عمرها للصبح او تنش وتسير الحمام

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.