الباشميل

هذي طريقه بس انتي سوي نص كميه بشاميل لانها هذي وايد يعني

من تخلصين تسوين اكلتج غطيها بالومنيوم و خليه تبرد شوي بتتماسك عدل
1 لتر حليب 1 اصبع زبده و نص كوب طحين و ملح و فلفل اسود

إقتباس:
الرسالة الأصلية كتبت بواسطة شكولاتةuae

صباح الخير حبوبات الله يسلمك مرة اخوي طلبت مني اسويلهم معكرونة بالباشميل لاني مثل ما معروف في العائلة انا الوحيدة الي تضيط وياي وتطلع رهيبة ولذيذة جدا فقررت على طريجي اصور لكم الخطوات وكيفية الاعداد واتمنى تعجبكم والله الله بالردود الطيبة نبدا :

طبعا الحشوة كانت خلطة الدجاج الرائعة ومقاديرها
طماطم مقطعة – خضار مجمدة – بصل مقطع زائد البهارات المفضلة عندك انا حطيت كركم وفلفل اسود وسنوت

دجاج مقطع ومسلوق ولاحظوا خواتي الهيل وورق الغار والبصل الي كانو في ماي السلق وهذي البهارات تعطي الدجاج رائحة رائعة جدا بعدين في الحشو

اول شي نقلي البصل مع الزيت لين ما يذبل نذيف الطماط

بعدين نضيف الخضروات المجمدة والبهارات ونقلب
واخر شي نضيف الدجاج المسلوق ونقلب زين ونغطي عليها ونخليها ربع ساعة عسب النكهات تختلط زين

وبيكون شكلها النهائي بهذي الطريقة

الحين دور البشاميل

المقادير
2 لتر حليب – 2 اصبح زبدة – كوب طحين ابيض –

نذوب الزبدة على النار ويفضل نضيف شوية زيت عسب ما تحترق

وبعد ما يذوب الزبد نهائي نضيف الكوب الطحين ونقلب زين علشان ما يحترق

لين ما نحس اني الطيحن نضج بس بدون ما يتغير لونة ونحس ان ريحة الطحين طلعت

نضيف الحين ونستمر في التحريك لحد ما يغلض القوام (نسيت اصور هذي الخطوة) وبعدين نضيف الفلفل الاسود والملح ورشة بسيطة من جوزة الطيب لاني يعطي نكهة فضيعة للبشاميل

بعدين نبدا نرتب الصواني نحط شوية معكرونة مسلوقة في الصينية بعدين نحط البشاميل عليها

بعدين نحط طبقة من حشوة الدجاج وبعدين طبقة من المعكرونة المسلوقة واخر شي باشميل

وندخلها الفرن لحد ما تحمر من فوق وتحت بهذي الصور

اتمنى تكون عجبتكم الوصف وانتظروني قريباً

ماقصروا البنات

غاااااااااااااااوي ماشاء الله

بارك الله فيج