الآيلتس وما أدراك مالنفسية

الله يعينا ان شاء الله

هلا خيتي

بالنسبه لامتحان الآيلتس ، فهو عباره عن:

Listening exam امتحان الاستماع ، تسمعين و تجاوبين ، نمط الاساله اختيارات و كتابه اسماء و ارقام ، و طبعا لازم الكتابة تكون صحيحة

Reading امتحان القراءة ، و فيه ٣ فقرات تقرين عنهم ، و المجموع الكلي لأسألة القراءه = 40 سؤال .. و تخلصين جميع الاسأله في ساعه وحده فقط و انا انصحج ، بما انه الساعه فيها 60 دقيقه ، انتي قسمي لكل قراءه 20 دقيقه فقط

Writing امتحان الكتابة ، بتكتبين عن موضوعين ، الموضوع الأول 250 كلمة عن رأيج في موضوع معين او إيجابيات و سلبيات موضوع معين ، و الموضوع الثاني بتكتبين 150 كلمة عن شكل موجود في ورقة السؤال و انتي لازم توصفينه

Speaking امتحان التحدث ، عباره عن ٣ اجزاء ، الجزء الأول بتتكلمين عن نفسج و الثاني و الثالث عن مواضيع بتنسالين فيها مثال: تحبين السينما ؟ ليش ؟ مع منو تحبين تسيرين ؟ شو أنواع الأفلام اللي تفضلين تشوفينها ؟

هذا توضيح بسيط عن الامتحان ، أما كيف بتمتحينه؟ فاول نصيحه لج سيري معهد و خذي لج دوره كامله عن الايلتس لانه في الدوره بيعطونج تمارين و تدريبات بشكل يومي

و اذا ما تقدرين تروحين دوره ، ف انصحج تستخدمين الانترنت ، فيه آلاف التدريبات هن الايلتس

نجاحج في الايلتس ما يعتمد على شطارتج ، يعتمد على شكثر انتي تدربتي و بذلتي جهد في التمرينات ، هذا معناته انه التدريب قبل الدخول للامتحان هو المفتاح الاساسي للنجاح

اتمنى اني اكون افدتج و كل التوفيق ان شاء الله

ادخلي موقع البرتش كاونسل بتحصلين فيه تدريبات للأيلتس واختبارات بعد عشان تعرفين مستواج
قبل لا تمتحنين ، وكل شهر اتوقع عندهم تاريخ للامتحان ف انتي اتدربي شهر والشهر اللي عقبه
قدمي ع الامتحان وان شاء الله بتيبينه