اكره نفسي كره العمى

خواتي دخيلكن ترى ما عندي خوات غيركن اسولف وافضفض اللي في داخلي , حياتي ملخبطه فوق حدر ما اعرف انظم وقتي و نفسيتي زفت مره لدرجه لو تشوفون حجرتي كيف معتفسه لاني ما اعرف ارتب وانظم لا الملابس ولا الكتب ولا الاوراق هذا غير اني احس نفسي ما افهم شي حتى في دراستي لان ابد محد يشجعني على شي , خواتي عندي مشاكل كثيره ولا عندي ربع صدق بس مصالح, احس نفسي دوم حزينه و متضايقه ودوم احس بالخوف والله مليت من هالوضع و وزني زاد بشكل فضيع لدرجه كرهت نفسي وكرهت البيت و حياتي , بنات خبروني شو اسوي انا ابغي احس بالامان ابغي لو وحده تساعدني كيف انظم وقتي والتزم فيه بس لو وحده تسويلي جدول تراني ما اعرف اسوي شي ومستعده اعطيها كل معلوماتي اتمنى لو حد يشجعني دووم ويسمعني كلام يرفع معنوياتي . دوم اقعد لوحدي ما عندي حد اسولف معاه دخيلكن ادعو لي ان الله يفرج همي