اعتذر عن الموضوع و لكنها مشكلة طارئة !!!!!!!

السلام عليكم

والله والله مستحية منكم ما اعرف ليش اكتب

انا متزوجة من فترة تقريبا سنة و نص
و ريلي دوامه بعيد يعني يرجع لي ف الويك اند بس
و مرات يرجع و مرات لا ع حسب دوامه
ولو رجع مرات يصادف موعد العادة عندي
سوري ع التوضيح

من يوصل عندي ما اقصر بشي سواء معاملة حتى او لبس او اي شي ثاني
و حتى هو بعيد اسولف معاه عسب ما احس بشي ثاني
و يبادلني كل شي ما يقصر

بس احس في شي ناقصني وجوده عندي ………..
الايام تمر و مرات ما ينزل و اتضايج ؟

و انا وااااااايد متضايقة اني بروحي
و غير اني اشتاق له و هو مب موجود عندي
غير اني ………………………………
اظني فهمتوا قصدي بنات استحي اشرح لكم اكثر

حاولت حاولت
وانا انسانة ملتزمة صلاة صيام اقضي مشاوري اطلع اروح ارجع
اجتماعية من الدرجة الاولى
بس ما اقدر "بدون ريال"
اقصد من ناحية …………

تحريته شي مب طبيعي و فشلة كيف اقوله
و ادور و اسوي سيرج طلع الموضوع عادي و طبيعي

حاولت وياه قلت له ف خاطري اسكن وياك و هو مب راضي
لسبب واضح ان في الاحيان يسافر خارج الدولة او يكون داخل شغله و يكون عنده زام
وما يبغي يخليني بروحي ف البيت بالشهور او الاسابيع او الايام اما حاليا فأنا مع اهله حاليا

قلت له يوم بسكن ف بيت بروحي شو بتسوي ؟؟؟؟؟؟؟
و يقول لا ما ارضى بروحج لو اليهال معاج
تروحين بيت امج ترقدين لين ما ارجع او حد يبات عندج

يعني كيف اخبره بها الشي اني ابغي اسكن معاك بسبب …………
لاني ما ابغي يتضايج
او حتى ينتقص مني و يقول اني ما استحي او من ها الكلام
او اني افتح عينه ع امور
خاصة معظم ربعه متزوجين ع حريمهم

وانا خايفة بعد من ها الناحية

يعني انا عندي سببين و السبب الأول مأثر علي وايييييييد
اما سالفة الزواج هاي مب لين هناك ف بالي لاني احاول ما احاتي لاني اسوي اللي علي

انصحوني اقوله كاش بالموضوع
شو اسوي والله استحي

بنات يعني مب يقولون الريال ما يصبر بدون حرمة
ولو صار العكس مالي حق !!! الحرمة مالها حق يعني