اسم البنت

بنات انا وااايد متضايجة يوم حملت كنت وااايد مستانسة وبعدين اهل ريلي وعمي قالولي اذا يبتي بنت بنسميها كلثوم على اسم ام عمي يعني يدة ريلي بس انا وريلي ما عايبنا الاسم ومتضايجين وبس ريلي مايقدر يرد امه وابوه واحنا من هاك اليوم نبي ولد وندعي انشاء الله يطلع ولد ولكن الدكاترة قالولي مايبين يمكن تكون بنت واحنا ماندري شو نسوي واذا قلنالهم لا بيستوي مشاكل بين ريلي وابوه وزعل وضرابة وكره وغيرهوبس انا وريلي اتفقنا ان في البيت بنخليهم يسمونها كلثوم ولكن برع وفي المدرسة والجواز كلثم لأنه اهون شوي وكلثوم بيعيبون عليها في المستقبل وارجو انكم تساعدوني وانا والله من شهر الثالث وافكر في هالشي؟؟؟وانا الحين في الثامن واتمنى انشاء الله يكون ولد.