اسرار الحرمة فترة زواجها

عشرييييييييييييييييييين مشاهده ولا وحده ردت عليه معقوله ولا وحده من بين هالعشرين متزوجه وتعرف هالسوالف

مرحبا خويتي شخبارج عساج بخير..

أولا مبروك يا عروسه والله يجمع بينكم على الخير والبركة.. ثانيا بعطيج بعض المعلومات وإن نشاء الله تعيبج ما قدرت أطلع وما أكتب شي ..

المهم فديتج لاترمسين قدام حد أو اتخبرين الحريم كيف علاقتج بريلج على الفراش أو غير الفراش وهذا حررام يطلع بين الزوجين بس في حريم أتحصلينهن يرمسن عااادي شو أستوى البارحة ويا ريلها وبالتفاصيل جانها رمسه عااادية ؟؟؟ ما تعرف إنه حرام وعيب ..

إنزين ليش أتروحين الدختر والحمد لله ما فيج شي !!
أما عن سالفة الحمل شو الغالية أنا يوم حملت بولدي البجر كان مار على زواجنا شهرين وإتاخرت الدوره ما يتني بعد ما كملت تقريبا عن موعد الدوره 20 يوم روحت الدختر وسولي فحص …. ما بانت النيجه بعده روحت عياده خاصه وسولي فحص دم لانه في الدم تكون النيجه واضحة المهم طلعت حامل وريلي كان وياااي وعااادي الامور..

من ناحية الاهتمام بنظافة الجسم فما شاء الله بتحصلين وااايد مواضيع في المنتدي خاصا في قسم البشرة أقريه وإن شاء الله بتستفيدين منها..

شوفي إذا تبين أتحملين إحسبي من أول يوم يتج فيه الدوره لين اليوم 14 يعني في هذا اليوم تكون نسبة الحمل مرتفعة
هذا الشائع عند الحريم .. :1 (80):

الغالية إنتي الحين حرمه على ذمة ريال فخليج عاقله رزينه سوي هيبه حج عمرج

بس تبين الصدج إذا ريلي يباني أدخل وياه في ( سكي ) عااادي مدام هو راضي وكل واااحد على حسب شخصية ريلها..:1 (40):
ومدام تبين تهتمين بعلاقتج ويا ريلج فتحي على قسم العلاقات العائلية في المنتدى وبتحصلين وايد أشياء وبتستفيدين ..

حبوبه أنا من العين فما أعرف الدخاتر المختصه للي في دبي بس أعرف الوصل وراشد والامريكي والايراني وجراحة الاعصاب والنور وبس..:1 (7):

المشاركة الأصلية كتبت بواسطة أم شمسان

1..ابا اعرف شو اللي لازم اسوي بجسمي وكيف احافظ عليه طبعا متنت شوي عن قبل

عاادي حبوبه احس كل وحده تعرس لازم تمتن يعني ها شيء طبيعي في جسم الحرمه كيف تحافظين عليه بالرياضه وخففي من الدهون وجيه الامور طيبه حبوبه

2..وابا اعرف كف اعرف اني حامل
كيف تكون عملية الحمل يعني مجرد مايدخل الحيوانات المنويه ولا في شي بعد
الدوره عندي منتظمه الحمدالله بس حسيت اني بطني انتفخ زياده ياويلي

مادري بس الوحده تعرف انها حامل اذا تاخرت عليها الدوره عشر ايام او جيه واذا حست بالام الدوره وهي مب في موعدها ويصير الحمل في يوم 11 ليوم 18 من عقب الدوره الشهريه هاي تسمى فتره الاخصاب عند الحرمه يعني اذا صار جماع في هذي الايام يصير حمل لانه البويضات تكون جاهزه للتلقيح وجيه يعني تراني اشرحه على قد ماعرف …،،

3..هل حركاتي محسوبه
مثال: قبل امس رحنا الامارات مول خواتي الصغار بغن يدخلن الثلجيه((سكي)) وحنا بالدرب امايه متصله فيني تقول انتي ماتدخلين ؟؟!! ليييييييييييييييييييييييش !! خفت اقولها ليش قلت لها
ان شاءالله وانجعمت

اكيد كل حركه محسوبه عليج اولا انتي صرتي حرمة ريال يعني اذا مثلا حد جافج شو بيقول اوو امبارح جفت مرت فلان داخله تتزلج والا تسوي جيه والا جيه ترا الناس ماتصدق بس تبا ترمس وثاني شيء يمكن تكوني حامل وانتي ماتعرفي ولا سمح الله يصير شيء وتفقدي البيبي انا اعرف وحده راحت القريه العالميه وهي حامل بس ماتعرف لعبت ليمن قالت بس ويوم ردت ياها نزيف وسقطت البيبي فحاسبي حبوبه ،،

4.. هل لازم اروح المستشفى وادخل على اخصائيه نسائيه ولا مايحتاي واعيش حياتي عادي ((مافيني اي مشكله))

حبوبه عادي اذا ماتشكين شيء عوار لاسمح الله او شيء مافيه داعي تروحي بس اذا عسالفة الحمال فلاتخافي اذا ماحملتي صارلج ست او تسع اشهر من عقب الزواج هاا شيء عادي بس اذا عديتي السنه وماحملتي لازم تروحي تكشفين يمكن يكون عندج شيء مانعنج من الحمل مثل كيس دهني في الرحم او التهابات او بامكانج تروحين اذا بغتي تحملي بسرعه يعني تكشفين عشان تتاكدين انه مافيج من اي شيء من اللي ذكرته بسم الله عليج ،،، ( لانه انا من عرست كملت ثمان اشهر ماحملت ويوم رحت اسوي فحوصات خبرت الدكتوره اني ابا احمل وماحملت للحين كشفت عليا وشافت عندي كيس دهني بالرحم والتهاب بالادرار وهذا اللي جان مانع او ماخرالحمل ) ،،

5..انا من دبي تنصحون اروح اي مستشفى وعند اي دكتوره مختصه ((دكتوره نسائيه))

اسفه انا مش من دبي فماقدر افيدج السموحه

6.. شو اللي عليه واللي لازم اعرفه بشكل عام
ابغي اعرف وايد اشيا وماعرف اسأل منو ((مشكلتها تستحي ))>>>من حقي الحريم وايد يتعمقون في الاسئله يعني عادي تقولي شو تسوين عالفراش بعد من باب الفضول
المهم بغيت منكن المساعده الله يخليكن اللي تعرف ماتقصر عليه

حبوبه ماعرف اشرح لج هنيه او ماعرف انتي شو تبين بالظبط بس اذا حد سالج شو تسوين بالفراش احس مايخصهم يعني انتي المفروض ماتقولين او تشرحين عرفتي ماعلينا

حبوبه اذا بغيتي اي شيء او تبين تستفسرين زود تراني بالخدمه اعتبريني اختج وتراني انا في مثل عمرج تواصلي بالخاص وياي وان شاءالله راح افيدج من عيوني حبوبه
اتريا ردودكن

صح مايخصهن بس بعض الحريم مايستحن ولا يخيلن عادي عندهن كل شي والدنيا بخير معاهن
تسلمين غناتي وتسلم عيونج ان شاءالله كفيتي ووفيتي