استفسارات للحوامل والأمهات ارجو الرد بالسرعة القصوى

1- من الشهر الأول لين الرابع وانا صدري يعورني بس من نهاية الرابع لين الحين بدا يخف العوار هل هالشي عادي ولا لا؟
نعم هالشي عادي لان الهرمونات تتغير في الجسم واكيد تصير تغيرات في الصدر لانه يكبر ويكون الحليب

2- تنزل علي افرازات (سوري بس شو اسوي ما عندي حد اسأله) لونها اصفر عادي ولا لا؟
تنزل افرازات مهبليه عادي هذه افرازات الحمل

3- ساعات احس بعوار مثل الدورة مب عارفة شو سالفته.

يمكن لما تاكلين شي ما يناسبج

**** اجوبتي عن تجربتي الخاصه ^^ يكون احسن اختي لما بتروحين المراجعه سالي الدكتوره عسب تتطمنين ع البيبي اكثر

ان شاء الله تكون الذريه الصالحه لج يارب وان شاء الله الولاده تكون سهله

– من الشهر الأول لين الرابع وانا صدري يعورني بس من نهاية الرابع لين الحين بدا يخف العوار هل هالشي عادي ولا لا؟

هالشي عادي الغالية لأنه الهرمونات تتغير و الصدر يتغير

2- تنزل علي افرازات (سوري بس شو اسوي ما عندي حد اسأله) لونها اصفر عادي ولا لا؟

خلي دكتورج تسويلج تحليل عن الإلتهابات وان شالله يكون ماشي

3- ساعات احس بعوار مثل الدورة مب عارفة شو سالفته.

حتى هالشي عادي لأنه الالحوض يبدأ يكبر عسب البيبي

الغالية لا تحاتين و أهم شي انتبهي لعمرج و كلي عدل

نفس الشي بالضبط صار حق ربيعتيه … وخبرت دكتورتها.. كل شي كان طبيعي .. والافرازاات كانت فطريات عاديه وعطتها دوا معين ..هههههههههههههه أتذكر الوسواس الي كانت فيه .. ماخلينا حد ماسألناه . حتى بتلاحظين (مب الكل) ان بداية السادس بينزل لج من صدرج مادة لزجه .. أظن اسمها اللبأ .. وبداية الثامن بتزيد آلام الدوره (اقصد فترات انها اتييج) .. ممممممممم .. شو بعد .. هيه يمكن الافرازات اتزيد لج من الثامن وساير .. طبعا هذا اول حمل لها .. فا اعرف كل شي .. إذا عندج اي استفسار خبريني وبسألها لأن كل الاجوبه من الدكتوره.. وسلامتج ^_^