اريد اهل الخبره يردون عليه ()

التعديل الأخير تم بواسطة 3ashgt_zayed ; 2010-07-21 الساعة 02:37

حبيبتي حرام تفطمينه قبل ما يتعلم ياكل شي
حرام تري الفطام مب شي سهل بنسبه لليهال
اتريي شوي وحاول بتخفيف وانشالله بتضعفين
علي الاقل لين مايكمل سنه ونص

الحمدلله والصلاة والسلام على رسول الله….

للرفع ..

المشاركة الأصلية كتبت بواسطة 3ashgt_zayed

كل عام وانتم طيبين بقرب حلول شهر رمضان

خواتي اريد مساعدتكم

انا مثل ما يعرف البعض عندي

ولد 16-7 كمل سنه
فديته (( زايد ))…

واريد افطمه بسرعه

عشان اسوي رجيم قاسي
واريد انزل 25 كيلو قبل ما احمل …

بليييييز لا تبخلون علي
من رجيم او طريقه بسرعه يودر صدر لانه ما ينام على صدري

وريلي حاشرني يباني احمل
بس الدكتوره قالت لزم انزل 25
لانه انا وزني 90

فا تخيل 15 كيلو مال الحمال هههههههه فوق الميه ما اتخيل

واريد ارجع 65 مثل ما كنت لان قالوا لي لو حملتي
على وزنج بعدين ما ينزل بسرعه بعد الولاده الثانيه

موفقين ويارب تساعدوني

ختيه من حق البيبي انه يرضع حولين كاملين مثل ما انذكر في القرآن الكريم ….عساس تقوى عنده المناعه ضد الامراض ويقوى عنده الذكاء والثقه في النفس والعاطفه ..لانج يوم تلمينه لصدرج وترضعينه هاي الفتره الوحيده اللي يتم فيها اتصاله الجسدي والحسي والعاطفي معاج …
سوي ريجيمج حبيبتي ورضعيه جذيه بسررررعه بينزل وزنج لان الرضاعه تحرق السعرات الحراريه بسرررررعه من تجربتي لخمس ولادات الحمدلله.. وترى الرريجيم بيكون اكلج فيه صحي من سلطات ومشاوي وسوائل …يعني بيستفيد البيبي منه….ولاتسوين ريجيم قااسي لانه مضر بصحتج وبجمالج ونضارة شبابج …
ونصيحه مني لج خلي مابين كل طفل والثاني سنتين عشان كل واحد فيهم ياااخذ حقه بالرضاعه والاهتمام والتربيه..وانتي بعد جسمج ياخذ حقه بالراحه والنقاهه …
اناعقب اول بيبي حملت عقب ما كملت بنتي سنه و3شهور ..وكنت ضعفانه تقريبا 50 وزني كان …مع اني يوم عرست كان وزني 63 ودوووم كان هذا وزني الطبيعي لان طولي 163…فعقب ولادتي ببجري ضعفت عمري لين وصلت 50 ..وحملت بالثاني ..بس شوووو تعبت عقب ..عضلات الظهر دوووم تويعنيه ..وركبيه بعد والمفاصل والرحم …ماخليت دختر ولا ادويه ما خذيتها في سبيل اشفى ولا في فااايده ….ويالله يالله لين ماردت صحتيه …وعقب من يقولي ريلي يالله اباج تحملين …اقوله ماااابحمل لين مايكمل البيبي سنتيييييين ..اكون انا ردتلي صحتيه عدللل والبيبي خذ كفايته من الرضاعه والحنان والدلع والتربيه ….
(((((اذا تبين جسمج يستوي بييييرفكت …سويلج مع خبيرة تغذيه او روحج نظام غذائي كااامل يكون غني بالسلطات والسوائل والمشاوي ….ومارسي الرياضه يوميا (انا حتى يوم اكون حامل امارس الرياضه ..فيوم احمل بس بطني اللي ينقز هههه)
ووخلي وحده اتيج البيت تسويلج مساااااج كل يوم ولا 4مرات في الاسبوع (مساج حرق الدهون بكريمات حارقه للدهون بعد)… وسوي حمام مغربي كل اسبوع …وايد ايساعد على تنزيل الوزن وشد الجسم ..و
اشربي الزنجبييييييييييييييييييييييييييل طووووول ما انتي عاااااااايشه …3مرات في اليوم مع الشاي ولا مع اي شي ….انا احطه في الصالونه وفي الشوربات وفي الحلويات وفي كللللل اكلي …نفس التايلنديين …يحرق الدهن حررراق ….وينظف الامعاء والمصااارين (؛
واتحممممممممملي تاكلين الحبوب والسوالف اللي تذوب الدهون واونها تضعف ..كلها امراض عافانا الله ويرد االوزن دبللل ….طاحن فيها خاواتي وربيعتي وابتلن الله يعافيهن .
والسموحه منج ادري طوووووووولت بس غمضتيني وغمضني نونوج الله يحفظه لج ( :
والله يكتبلج اللي فيه الخير ختيه….