اخيرا حجزت لعملية ربط المعدة بعد معاناة 10 سنوااات من السمنة

التعديل الأخير تم بواسطة الصفردة ; 2009-02-15 الساعة 17:54

والله انا بقولج اختيه بنت اخوي وزنها فوق 100 وسوت ربط معده خف وزنها لانها تمت من تاكل ترجع ولا تحب تاكل حتى ماترجع من جي خف وزنها بس من كملت سنه تأقلم جسمها وتمت تاكل خفيف بس جسمها تم يحتفض في السعرات الحراريه ووزنها رد نفس اول الحين ردت تحجز بتخوز الربط لانها ملت تقول وزني رد شوو الفايده من الربط

انا بقوبج تجربتي وزني فوق 100 ماقدرت ع الرجيمات قولي نفسج يصيبني اكتئاب من الرجيمات من كثر ماسوي رجيم

ولا اقدر استمر من 5 شهور سفرت الخدامه وقلت باخذ لي فتره بدون خدامه تصدقين في شهر واحد نزل وزني 15 كيلو مره وحده والكل لاحظ نزول وزني حتى اني الحين تعبانه من شغل البيت بس يوم اشوف وزني يخف من شغل البيت اقول بتحمل لين اوصل الوزن اللي ابغيه مع اني اكل اللي في خاطري ولا رجيم ولاهم يحزنون جربي تشتغلين وتحركين جسمج
تصدقين قبل كنت استحي اسير عند حد ويوم اشوف حد يالس تحت ادور كرسي حتى ايلس ماقدر اركبي تعورني وان يلست ماقدر اقوم افتشل والله بس الحين والله اقدر ايلس وتحرك ع راحتى الحركه وايد تنفع في تخفيف الوزن

والحمدلله والله يعينج ويساعدج ..

التعديل الأخير تم بواسطة عالية الغالية ; 2009-02-15 الساعة 17:39