اختــي وحالتها

يزاااااااااج الله الف خير الغاليه ماقصرتي

الله يعوضها بالاحسن ان شاء الله

فديتج دامها كانت مالجه وتلعوزت
فهذا الشي الأساسي اللي زارع الخوف والقلق فيها
حتى لو هي تبى تطوي هالصفحة احياناً نكون خارجياً طويناها لكن بداخلنا شي اقوى منّا يخلينا عايشين مع الشي السلبي ويأثر على كل جوانب حياتنا مب بس ففكرة الزواج
اذا هي فكرت انه هي تستاهل الكثير لأنها بنت طيبه وتخاف الله واللي بياخذها امه داعيتله ومن هالافكار اللي تعزز الثقه بالنفس وترفع المعنويات وانتوا بكلامكم ساعدوها بهالشي
والله الكلام اللي يدور حول الواحد يأثر وايد وانا كنت بفترة خطبة طويله يوم ييت افصخ الخطبة سمعوني كلام خلوني اتردد ونفسيتي تصير زفت ودخلت بنفس حالتها تعب وضيج وصياح لأني ضعت بين نفسي وبين كلام اللي حواليني
بس لو كانوا اللي حواليني مسانديني بكون قوية وبظهر الأسباب اللي تخليني ارفض بكل وضوح مب اتم اقول ماعرف ماعرف ماعرف وبس
وانتوا سووا وياها نفس الشي خلوا كلامكم وياها كله افكار ايجابية وعززوا ثقتها بنفسها
" والله اللي بياخذج وين بيلاقي شراتج" " احس يوم عرسج بتكونين غيييييييييير عن كل اللي عرسن" "انتي الف واحد يتمناج " " انتي عقب ماصبرتي نلتي اللي يستاهلج " ومن هالكلام

كلميها كل وم شوي شوي لحد
ما تقتنع وانشاء الله خير