اجتماع خاص جدا بالأمهات المسافرين مع أطفال

السلام عليكم ورحمة الله وبركاته

أين ما تكون الوجهة فهناك شي في السفرة ممكن أن أقول
ممكن …وممكن أقرب إلى الجزم يخرب السفرة
واللي هم الأطفال ماتحت السنة وفوف السنة بشوي
أول شي هم ما يستوعبون معنى السفر فصريخ على صياح وعلى وعلى
المهم أبغي رايكم وطريقتكم في كل شي كل شي
من بداية مااتحطين شنطهم إلى شنطة الطيارة إلى أكلهم كل شي
مب بس هذا العمر أنا عندي 3 الله يحفظهم 8 سنوات و5 سنوات و11 شهر
الكبار ضرااااااابه بنت ولد والــ 11 شهر الله يحفظه عاد عنده بداية أنه يتحرك ما ييلس في مكان واحد كيف تتصرفين….
لازم يوصولنج لمرحلة انج ايدي تطول عليهم أو تصرخين في ويهم
شو تسون لهم شو أساليبكم لو سمحتوا ببدأ بنفسي

اسمحوا لي على الإطالة…..

الشنط : عااادي أرتبها عاااادي
بس مرة جربت اني أخلي كل لبسة مع الملابس الداخلية في كيس بلاستيك شفاف كل واحد
بس الشنطة ماترتبت عندي تم الأكياس تتزحلق عني
وبعدين ولدي بو 5 سنوات استهلك الملابس الداخلية أكثر مما كنت حاسبة
أما بنتي أوكي….
بالنسبة لشنطة الطيارة الاغراض الموجودة أغلبها أكل وخاصة لو بو 11 شهر انتو شو اتحطون اتحطون لبس الهم ولا
مرة جربت أشتري لهم كتب بس عاد ماما شو يقولون هنيه ماما شو أسوي هنيه ماما وماما وماما ندمت إني خذت لهم
ولدي هذا بو 11 شهر ما أعرف الصراحة شو أسوي له
في السفر شو الأكل اللي تاخذونه حق بلدان أوروبية شو تاخذين لهم أكل مررررات عيالي الكبار من كثر المشي ما يقدرون يمشون فيتعبون فيقولون لي فيه حديدة يعلقونها في العربانه من ورا ممكن يوقف عليها الكبير ادا اتعرفون ويين يبعونها لو سمحتوا
شو أقول ولا أقول المهم….خبرونا بأشياء بعد ما انعرف طرقكم في السفر من متى تبدأون اترتبون نفسكم كل شي كل شي أبغي سفرة اكون أنا مرتاحة فيها ما أبغي أحس إحساس كل مررررة إني ….إني …..إنييي شغالة أتعب واااايد في السفر ويا عيالي خاصة الصغير هيه اتذكرت شو الأدوية اللي تاخذونها وياكم لأن ولدي الصغير من هفه يمرض