اتمنى من خواتي المعلمات يدخلن ونستفيد من خبراتها في التدريس

الله يوووووووفقكم

شوفي الغلا ,, أنا أدرس صف 4 & 5

وابصراحه فالبداية قبل لا ادخل عليهم فالصف يعني فالطابور والساحه شفتهم مشاغبييييييييييييييييييين وملاعييييييين استغفر الله والله خبال مش طبيعي .. وهم ما كانوا ايعرفوا اني كنت اشوفهم …والله لو أقولج ساحة حرب فالساحه شي مب طبيعي والمشكلة أهلهم واااااايد مدلعينهم يعني ممنوع المدرسة تعصب على ولدي أو أو أو …. ومعلماتهم بالمرة مب قادرين عليهم ما عدا مدرسة وحدة اللي هي معلمة الرياضه ….يعني الحالة كانت صعبة…

دخلت اول يوم وحدة ما تعطيهم ويه وهم كانوا مستغربين اصلا من استايلي لاني من بعيييييييد وابلاتهم مب وايد يكشخن وكذا >>> والله ما كنت اعرف انه المدرسات ممنوع ايكشخن .. وإذا ما كشخة ما بيكون لي دافع استمتع فتدريس الطلاب والبنات ….
طبعا فالبداية كمن واحد يحاولون ايعصبون فيني لكن الله لا ايراويج من البداية رفعت حاجب فوق حاجب وفتحت لج عيوني ولا قلت ولا كلمة …. مرة مرتين ثلاث وبعده الولد مشاغب …سويت نفس الحركة بس هالمرة مشيت لعنده ووالله انه نزل راسه …وما قلت له غير "أنت ما تعرفني يوم أ عصب ما اشوف اللي جدامي تقعد مأدب وإلا بخلي اللي حوليك يرمسوا عنك سنة " ،، والكل خاف وهدووووووووء تمو شهر شهرين ايخافون مني وايسموني الشريرة خخخخ … بس بعدها بديت حبوني لأني كنت اعطيهم الدروس على شكل لعبة أو قصة أو بطريقة المهم اتكون مسلية…

أهم شي صدقيني التعلم باللعب ,,, والله ايحبونج وايحبون مادتج وما ايذاكروا الا مادتج وبيكون دليل نجاحج نتايج الامتحانات ….

الله ايوفقج يارب

و من لعب تلعبين فيها الصغار عطينا نماذج ما عليج أمــــــــــــــــــــــر