ابغي حد عنده خبره و تجربة يجيب على الموضوع

السﻻم عليكم ورحمة الله وبركاته
شخباركم عساكم من عواده
هاذي اول موضوع لي في المنتدى
أحب هالمنتدى والحمدلله وايد استفيد منكم و أن شاء الله اتردون على موضوعي

موضوعي اني احمل و ينزل الحمل ما يثبت عندي الحمال اﻻ اذا بالمساح وتعديل الرحم و ﻻزم كل حمل اسوي جذي وﻻ ينزل الحمل اول عندي نزل خﻻل شهر الأول و عقب بعد 3 سنوات حملت بعد عنا عقب ما مسحت الرحم و عدلته ﻻن ما خليت مكان ما رحت له شارجه و عيمان و دبي ما عالجت فيه و بالمثبتات ثبت الحمدلله و الحين عقب ما كمل ولدي سنه و نص بعد مساح طبعا بس هالمرة نسيت أخذ مثبتات فتعبت وايد لين عقب 10 أيام من تحاليل يالي عوار في بطني فرحت افحص.
الدكتورة قالت لي الجنين ما يبين المفروض يبين بس بسويلج فحص هرمون الحمل بشوف نسبته وعقب النتائج طلعت 101 بس و انا المفروض انا أسبوع 5 يعني يكون أكثر فقالت يمكن الحمل متأخر و خﻻل يومين بفحص اذا استوا دبل يعني الحمل متأخرعقب الفحص الثاني طلع أقل 95 يعني يمكن ينزل الحمل أي وقت بغيت استفسار على اسالتي:

1 . ليش الحمل ما يثبت عندي الحمال؟
2. ليش الرحم ينزل عندي ما اني ما اشل أثقال و ﻻ اسوي رياضه ف شو أسباب اتنزل الرحم؟
3. إذا بينزل الجنين كم يوم خﻻل كم يوم ينزل؟
4. هل عقب ما ينزل الجنين و ينظف الرحم عادي احمل! ! وﻻ ﻻزم اتريا الدورة تنزل عسب احمل؟

ادري اني طولت عليكم الموضوع وايد بس بغيت استفسر اكثر و استفيد