ابا مقادير البسبوسه اللي تعرف تكتبهن لي ع العام .

المشاركة الأصلية كتبت بواسطة الريـم2009

كوب ونص سميد
كوب ونص جوز الهند

تخلطيهم مع بعض في طاسه واتخليها على ينب

وعقب ييبي طاسه ثانيه وحطي عليها 3 قواطي قشطه بوك + 3/ 4 كوب سكر + 3/4 كوب زيت + ملعقه بيكنج باودر

واخلطيهم مع بعض لين يتجانس الخليط وعقب صبي عليهم خلطه السميد وجوز الهند وحركيهم وصبيهم بالصينيه تقريبا بتم وياج نص ساعه او اكثر بالفرن وعقب اسقيها بالشيرة وزينيها بفستق ناعم وبالعافيه

فدييييييييييييييت روح يا اختيه تسلميييين والله ويزاج الف الف خير .. من متى في خاطر شوابنا هالبسبوسه .. ههه واحين عرفتلها تسلمييييييييين والله

الاخت ماقصرت نفس طريقتي بس تختلف المقاددير لو تحطين فيها فانيلا بعد تعطيه ريحه حلوه ^^
وعشان ماتحترق انا بس اشغل اللي تحت يوم تلاحظين ف الاطراف صار بني بنديه وشغلي الفوق بس يصير لونه ذهبي بنديه

وشيراااا وبالعاااااااااااافيه

دعواتج الله يحقق اللي فبالي ^^

بقولج طريقتي وخذيتها من النت وطعمها لذيذ ويقضون عليها في البيت ههههه

كوب ونص حليب بودة
كوب ونص سميد
كوب وربع سكر مطحون
١ وربع ملعقة صغيرة بيكنج بودر
اصبع زبدة
٣ علب قشطة

وتخلطينهم بالخلاط وتصبين الخليط في الصينية ووووبس