ابا اشرد بذكرى زواجي ما با اجوفه بهاليوم

هلا بنات
انا في 19/2 بيكون يوم زواجي بس ما احب هاليوم موليه
اكره يوم زواجي ولا افكر اني اتذكره حتى
هو من فتره يلمحلي شو ايبله هديه …
بس انا مابا أشتري له شي .. ولا اذكره باليوم
… المهم شو اسوي هاليوم اشرد .. وين اروح ..
كل سنه نحتفل وحياتي تستوي أسوء وأسوء ..
وغير انه يوم تخرج من التجنيد ما سويتله شي أمه وخواته سوله كيكه و توزيعات وانا كنت ساماان دينه. ..
و لا حتى فكرت ايبله شي ..
مالي خلقه ولا خلق اخسر درهم حقه .. ماعرف موليه ما اعطيه ما احس احبه موليه حتى بليل ارقد ابعد شي .. عشان ما احتك جسديا فيه
ماعرف هالحالة مستوتلي من سنه ..
كله أبا افتك منه ماعرف شو اسوي
افتعل مشاكل ماشي فايده
ما اسولف وياه واطنشه يلزق زياده ..
اتحجج اني مابروح بيت أهله يرجعلي ثاني يوم ومحمل عشى واكل وحاله عشان ما اسوي اكل ..
بس موليه ما إدانيه لمواقف وايد استوت قبل ومرت
بس انا ما مرت عندي