إعــــــــلان عن المسابقة الأدبية

السلام عليكم ..

خواتي الغاليات ..

– المسابقة بتكون للجميع يعني العضوات والمشرفات الكل يقدر يشارك ..
– اللي عندها اي سؤال او اي استفسار رجاء تطرش رساله خاصة لي او للمشرفة درة الامارات لانا نبا الموضوع يكون بس للمشاركات بدون اسئلة .
– التعليقات عالمشاركات ممنوعة .
– المشاركات تكون في القسم الأدبي .
– بتحذف المشاركات المخالفة للشروط .

وفي النهاية اتمنى التعاون من الجميع ولاتحرمونا من ابداعتكم

السلام عليكم ورحمة الله وبركاته..
ما حبيت تفوتني المسابقة..وقلت لازم أشارك فيها بالهخاطرة المتواضعه كتبتها اليوم بتاريخ 3/1/2006

أربع ورود

كان فيما مضى..
تحيط بي أربع ورود..
ورودي بعطرها فوّاحه..
غير عن كل الورود..
كل ما شكيت الهم..
جتني تسابق خطاها تقول..
يا نفس لا تستهمّي..
إنتي لنا بستان الورود..

إن جالك الهم.. جا لنا هم..
وان ادمعت عينك.. سالت دمانا بحور..
وصار جوّنا أغبر..
وتروينا المياه الحزينه
وتذبل أوراقنا وتموت الورود..

كانت ورودي..
تحيي السعاده فيني..
روحي تطير في بستانها
وتخلّي همي يزول وينطفي..

واليوم فكري شرود..
رياحي تعصف
وغيومي تمطر
على أربع ورود

وينك يا ورودي؟؟
روحي محتاجه لعطرك..
ونفسي محتاجه لبسمتك..
لا تخليني في وجه الاقدار
وحدي..

عهدٍ على يا ورودي..
أرويك وقت الضمــا..
وأخلي بستاني لك
على وسع الحدود..
ولا تعيش فيه غيرك ورود..
وفراشاتي حوالينك.. تطير
تشرب من انهاري وتطير..

ورودي رجيتك بالله لا تذبلي..
لا تخلي عيونٍ.. تبكي فراقك دم..
لا تخلي فؤادٍ.. يضيع وقته ندم..

وكان في ما مضى..
تحيط بقلبي ورود..
لكنها خانت.. وذبلت!!..

بستاني صحرا..
وقلبي فضــا
ونفسي وحيده بهالوجود!!

اتمنى أنها تنال اعجابكم
ولكم كل الشكر على المسابقه

أم اسمــا