إطالة فترة الخطوبة والملجة

أنا ما أحبذ اطالة فتره الخطوبة او الملجه .. اغلب الي طولو .. انفصلو .. ( اقصد في محيط عايلتنا وجيرانا )

انتي عاد 3 سنين ياحيج .. انا اعرف وحده تم ولد عمها محيرها 10 سنين وفي هالسنين يوونها خطاب اشكثر

والله ما ابالغ ,, انه حتى شيوخ يو وتوسطو بس عشان حضره جنابه محيرها خلاص مافي مجال لحد ثاني

وبعد طول انتظار 10 سنين ملج بها .. وقعدت مالجه 3 سنين .. والولد ماوراه شي .. يعني مافي عائق في الموضوع

بس استفاد منها خذا منحة الزواج وقدم على ارض وخذاها بعد .. وزادو راتبه ..

وهي يحليلها تتريا ..

اخر شي امها طفرت ورمست امه قالت ان ماسويتو عرس خلال هالشهرين .. طلقو بنتنا ..
وتمو سنه وطلقها ..

يعني حرام الولد ضيع عليها فرص زواج من شباب خلوقين وايد .. ولا استفادت شي فالنهايه ..

.
.

ومن غير احس ان فترة الملجة الطويله اذا زادت عن حدها تصير بايخه ..
وتزيد المشاكل بين الاثنين ويظهر الملل في العلاقه ومن بعدها يصير انفصال ..

انا احبذ ان الخطوبه ماتزيد عن 6 شهور والملجه ماتزيد عن سنه .. !

ليش ساكته لين الحين