أم غير عن كل الأمهات دخيلكن دشن وشوفن

امممم احس لازم تنحل هالمشكلة .. احسها مشكلة بتهدم حياتها هي و ريلها مش معقوولة كل شي الام تسوييه .. وفي الحياة الزوجية البنت بتدخل بروحها امها مابتكون معاها .. او اي شي يصير معاها بتخبر امها .. الريال ما يستحمل البنت اللي ما تحفظ اسراره حتى البسيطة .. فلازم تلاقي حل قبل ما تعررس البنت وتستويلها مشااكل .. لازم حد يدخل ويكلم الام ويفهمها بالمنطق ..

انا عصبت <<<هدي أعصابج
لا ما بهدي .. خلني اقول اللي في خاطريه

السموحه بقولها بكل الصراحه .. هاي أم متسلطه …

كيف ..؟! كيف ..؟! كيف ترضى تسوي في بنتها جي …..؟!

ما فكرت في مستقبل البنت ؟ ما فكرت ان بنتها ف يوم من الايام بتظهر من البيت .. وبتعيش بعيد عنها .؟ ما فكرت ان هاي البنت محتايه انها تفهم العالم وتعتمد على نفسها ..؟!
ما فكرت ان هالبنت لازم تكون شرات باقي البنات في العالم …!؟

وين عايشين نحن ..؟! اعتقد حتى في عصر الجاهليه ما كانو يسوون اللي هالحرمه تسويه في بنتها ..

حرام عليها والله … البنت تستاهل ان تعيش حياه طبيعيه ..

اوكيه نحن ما بنلومها .. يمكن امها وتخاف عليها …. بس ما توصل لهالدرجه المبالغ فيها وايد .. لدرجه انها تختار للبنت لبسها .. وان والبنت يحليلها ما تعرف غير لونين … وما تعرف شي في الميكاب …

هاي الام ما خافت ربها في هالبنت …؟! اللي حبستها وعاملتها جنها عصفور في قفص …

حتى ابي اعرف .. قلبها كيف طاوعها تسوي جي … ؟! يعني مثلا يوم تروح مكان عام .. تشوف يهال وتشوف ناس مستانسين .. ويلعبون … عمرها ما تمنت هالشي لبنتها ….؟!

ما تمنت ان تشوف بنتها شرات باقي اليهال .. تعيش حياه حلوه …..

اذا البنت الحين راضيه بهالشي .. ما تنلام يحليلها تعودت ……بس باجر يوم بتجابل هالعالم وهي ما تعرف شي في هالدنيا …. حزتها البنت بتتوهق .. وبتقول كل السبب من امي .. هي اللي حرمتني من كل هالاشيا ….

يمكن الام مريضه نفسيا .. لان مافي ام طبيعيه بتسوي جي …

وين اهل البنت عنها ..؟ وين ابوها ..؟ ليش محد فكر يتدخل ويساعد هالبنت ..؟!

حتى تخيلو … البنت باجر لو عرست … نفرض ريلها قال لها في يوم تعالي بنتمشى … يطلعون طلعه حلوه يستانسون فيها … والبنت لانها تعودت انها ما تطلع من البيت .. تقول له لا ومابي .. ونحبس نفسها بين اربع جدران …

ادري اني بالغت في كلامي وغلطت وايد .. والله اني لو كنت جدام هالحرمه .. كنت بقول لها هالكلام في ويهها … بخليها تحس بالذنب .. وتحس باللي سوته في بنتها … بقولها انتي يوم كنتي صغيره في بيت أهلج .. حد عاملج بهالطريقه ..؟! حبسوج في البيت وسوو فيج هالشي …؟!

انا الشخص الغريب .. غمضني حالها والله … كيف امها انعدم احساسها .. ما غمضتها بنتها …؟

ما اقول غير الله يهديها هالحرمه .. والله يكون في عون بنتها …

خل اتشارك معانا في المنتدى وبتتعلم كل شي,,,,,

أول مره ما أطالع الردود , حبيبتي قصة ربيعتج ذكرتني بقصة وحده من عايله كبيره بس للأسف كانت ما تعرف أي بهالحياه يعني مثل ربيعتج وما شفعت لعها براءتها وقلة حيلتها جدام ريلها الي طلقها بعد شهرين من واجهم, البنت اتعقدت وبعدها ابتدت تتعلم بس بعد شو بعد حملت لقب مطلقه للاسف هبله على حد قول ريلها ما ترست عيونه, حبيبي خلي حد قريب منهم يكلم الام وينصحها وخبروها عن قصص بعض البنات الي نفعهن حياهن ولا شفع لهن وشلن لقب مطلقات وهن بعدهن صغار, والله يهدي امها انشااله ويوفقها.