السلام عليكم ورحمة الله وبركاته
ما ادري اذا انتبهتوا صار هذا القسم حرب بين العمة *وحرمة الريل وخوات الريل
هذا القسم احس ان كان لازم *ان انقاش يعني نطرح موضوع ونتحاور فيه ونشوف سلبياته وايجابياته *او الوحدة عندها مشكله تطرحه والبنات يساعدنها*
ماشاء الله عليكن *اطلعن المستور كله
سويتن اريال صايع مغزلجي ومهمل بيته *انا ما اقول *ما فيه *بس * مش لها الدرجة
يعني شفت ريلي تغير علي اشوف نفسي قبل ليش علطول اروح واشتكي يمكن العيب فيني اتاكدت أني ما قصرت اشوف يمكن *عنده مشاكل في شغله او عنده دين يعني مشاكل خارجيه*
ما يقولون ان الريال ياهل صغير انا اشوف هذا الكلام غلط لأني اشوف الحرمة هيه الياهل من تتزوج تتمسك فيه * اذا كنتي واثقه من نفسج ليش تفتشين *وراه *وبعدين الا اذا كنتي مقصرة *بتلقين
واذا بيطلع مع ربعة يلستن على الحبة ليش تطلع وليش تتاخر*
تعرفن شو المشكلة الوحدة يوم تتزوج * الوحدة ما تتهيأ للمسؤولية *الي يايتنها *لا تحلم بريال يسفرها ويحوطها ووديها السوق لا ماخذة دريول وهو نفس الشي حرمة تطبخ وتنظف *وتيب عيال *جاريه ما شاء الله*
ما في تثقيف بين الشباب*
طبعا انا ما اعم بس اقول هذا الي اشوفه
ني دور العمة الغولة*
ليش مسوينها وحش لازم الوحدة *تكون خايفة منها ترى يوم بتكونين عمه ولا انتي سبشل*
في ما شاء الله عمات عوفات *بس بالكلمة الطيبة لا بد انها تلين يمكن سنه يمكن عشر سنين يمكن اكثر لا تنسن انها حرمه وطبيعة الحرمة تغار تخيلي تربي وتعلم وتشقى وآخر شي تي حرمة ثانيه تاخذة بارد مبرد يمكن تقولن من زينه يعني اقول السبال في عين امه غزال *عامليها مثل ما تعاملين امج *ولا تنسين ان يوم بتكونين عمة فكيف تبين *حرمة ولدج تعاملج اصبري *سوي خير وعقي بحر هذا كله علمه عند الله *والانسان *ما يتريا اجر الا من الي خلقه
ني عند خوات الريل ليش مسويات حرب ع حريم خوانكن *برايها خيرها وشرها لها*
الحرمة سفيرة بيتها كانت زينه *تراها بنت اصل ومربايه سوت شر هذي وحدة اهلها ما عرفوا يربونها
انتوا مش يايبينها خدامة *ومش مجبورين انتوا *تخدمونها هذا اصلن المشكله يوم يعرس الاخو ربعنا نظف بيتها ونيب الكل لدارها وندلعها *وبعدين انضيق ونقول دلوعت وعيازات *وحشينا فيها * وشهرنا فيها ونسينا انها صارت بنتنا وعرضنا *مدام الريال مرتاح *معاها أنتن شعليكن لابد يوم انها بتفترق عنكن *في بيتها*
وشو في البيوت *وما بين الريال والحرمة محد يقدر يحكم *مالح شو في قلبها لج انتي والظاهر والي في القلوب ربها يحاسبها ويوم بتكونين زوجه *وبيكون لج خوات ريلج فعاملي *حريم اخوانج مثل ما تريدين خوات ريلج يعاملنج*
أسف خواتي هذا راي الي بتتقبله مشكوره
*ولي مش عيبنها تعقه بحر
وما قلت هذا الكلام الا لأني زوجة وحرمة ولد وأخت زوج *وزوجت اخو
عني مع زوجي *الحمد لله لابد في مشاكل بس أتعلم منها عشان حياتي تمشي
مع عمتي اعملها مثل ما اريد حريم عيالي يعاملوني والحمد لله انا الغاليه عندها
خوات ريلي وحريم *اخواني اتكلم معاهم في المواضيع المشتركة بينا يعني وحدة تحب الطبخ اتكلم معاها فيه والي تحب التعديل *اتكلم معاها فيه لان *احب أشوفهن وهن فرحانات *خاصه يوم اخلي عمري ما اعرف *يالله شوفه التفلسف مش سالفة اضحك عليهن بس *احب اشوف الفرحة في عيونهم لان شو ماخذين من هاي الدنيا والحمد لله افرح يوم اشوف استقبالهن *وتفدي كم يسوي
خواتي خلو هذا القسم للماضيع الهادفة الي نستفيد منها مش ضرابه
وآسفه ع الاطالة فانا اصبت من الله وان أخطأت فانه مني ومن الشيطان
والله يستر من الردود
السلام عليكم ورحمة الله وبركاته
ما ادري اذا انتبهتوا صار هذا القسم حرب بين العمة *وحرمة الريل وخوات الريل
هذا القسم احس ان كان لازم *ان انقاش يعني نطرح موضوع ونتحاور فيه ونشوف سلبياته وايجابياته *او الوحدة عندها مشكله تطرحه والبنات يساعدنها*
ماشاء الله عليكن *اطلعن المستور كله
سويتن اريال صايع مغزلجي ومهمل بيته *انا ما اقول *ما فيه *بس * مش لها الدرجة
يعني شفت ريلي تغير علي اشوف نفسي قبل ليش علطول اروح واشتكي يمكن العيب فيني اتاكدت أني ما قصرت اشوف يمكن *عنده مشاكل في شغله او عنده دين يعني مشاكل خارجيه*
ما يقولون ان الريال ياهل صغير انا اشوف هذا الكلام غلط لأني اشوف الحرمة هيه الياهل من تتزوج تتمسك فيه * اذا كنتي واثقه من نفسج ليش تفتشين *وراه *وبعدين الا اذا كنتي مقصرة *بتلقين
واذا بيطلع مع ربعة يلستن على الحبة ليش تطلع وليش تتاخر*
تعرفن شو المشكلة الوحدة يوم تتزوج * الوحدة ما تتهيأ للمسؤولية *الي يايتنها *لا تحلم بريال يسفرها ويحوطها ووديها السوق لا ماخذة دريول وهو نفس الشي حرمة تطبخ وتنظف *وتيب عيال *جاريه ما شاء الله*
ما في تثقيف بين الشباب*
طبعا انا ما اعم بس اقول هذا الي اشوفه
ني دور العمة الغولة*
ليش مسوينها وحش لازم الوحدة *تكون خايفة منها ترى يوم بتكونين عمه ولا انتي سبشل*
في ما شاء الله عمات عوفات *بس بالكلمة الطيبة لا بد انها تلين يمكن سنه يمكن عشر سنين يمكن اكثر لا تنسن انها حرمه وطبيعة الحرمة تغار تخيلي تربي وتعلم وتشقى وآخر شي تي حرمة ثانيه تاخذة بارد مبرد يمكن تقولن من زينه يعني اقول السبال في عين امه غزال *عامليها مثل ما تعاملين امج *ولا تنسين ان يوم بتكونين عمة فكيف تبين *حرمة ولدج تعاملج اصبري *سوي خير وعقي بحر هذا كله علمه عند الله *والانسان *ما يتريا اجر الا من الي خلقه
ني عند خوات الريل ليش مسويات حرب ع حريم خوانكن *برايها خيرها وشرها لها*
الحرمة سفيرة بيتها كانت زينه *تراها بنت اصل ومربايه سوت شر هذي وحدة اهلها ما عرفوا يربونها
انتوا مش يايبينها خدامة *ومش مجبورين انتوا *تخدمونها هذا اصلن المشكله يوم يعرس الاخو ربعنا نظف بيتها ونيب الكل لدارها وندلعها *وبعدين انضيق ونقول دلوعت وعيازات *وحشينا فيها * وشهرنا فيها ونسينا انها صارت بنتنا وعرضنا *مدام الريال مرتاح *معاها أنتن شعليكن لابد يوم انها بتفترق عنكن *في بيتها*
وشو في البيوت *وما بين الريال والحرمة محد يقدر يحكم *مالح شو في قلبها لج انتي والظاهر والي في القلوب ربها يحاسبها ويوم بتكونين زوجه *وبيكون لج خوات ريلج فعاملي *حريم اخوانج مثل ما تريدين خوات ريلج يعاملنج*
أسف خواتي هذا راي الي بتتقبله مشكوره
*ولي مش عيبنها تعقه بحر
وما قلت هذا الكلام الا لأني زوجة وحرمة ولد وأخت زوج *وزوجت اخو
عني مع زوجي *الحمد لله لابد في مشاكل بس أتعلم منها عشان حياتي تمشي
مع عمتي اعملها مثل ما اريد حريم عيالي يعاملوني والحمد لله انا الغاليه عندها
خوات ريلي وحريم *اخواني اتكلم معاهم في المواضيع المشتركة بينا يعني وحدة تحب الطبخ اتكلم معاها فيه والي تحب التعديل *اتكلم معاها فيه لان *احب أشوفهن وهن فرحانات *خاصه يوم اخلي عمري ما اعرف *يالله شوفه التفلسف مش سالفة اضحك عليهن بس *احب اشوف الفرحة في عيونهم لان شو ماخذين من هاي الدنيا والحمد لله افرح يوم اشوف استقبالهن *وتفدي كم يسوي
خواتي خلو هذا القسم للماضيع الهادفة الي نستفيد منها مش ضرابه
وآسفه ع الاطالة فانا اصبت من الله وان أخطأت فانه مني ومن الشيطان
والله يستر من الردود
