تخطى إلى المحتوى
الرئيسية » أفيدوني بالمعلومات عن تايلند .

أفيدوني بالمعلومات عن تايلند .

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم ورحمة الله وبركاته

شخباركم سيدات الامارات ؟؟ وشو الاجازه وتجهيزاتكم للسفر ؟؟

المهم عندي كمن اسئلة بخصوص تايلند
اولا هذي اول سفره لي لتايلند متعوده ع تركيا وسفرتنا لتايلند للعلاج والتسوق

بنسافر شهر 1-7 وبنرجع 22-7

ما اعرف اي فندق احجز امبسدور او زينيث اي واحد احسن من حيث النظافه ؟؟ ويكون جريب من المستشفى الامريكي؟؟؟

السؤال الاول: وييييين اتحطون بيزاتكم لان بصراحه ما اعرف وين احطهم اشلهم اويايه فالشنطه والا كيييف؟؟ انا دايما اخلي بيزاتي عند امي بس هالمره امي بتعطيني قبل السفر وابصراحه اخاف اضيعهم لاني واايد انسى كل وحده اتخبرنا يوم تسافر وين تحط بيزاتها؟؟؟؟

السؤال الثاني: ابغي اعرف وين يبيعون شنط ماركات تايلنديه حلوه وراقيه وبعد اذا في اسكارفات حلوه واسوع كل شي

السؤال الثالث والاخير: قولولي شو احلى المراكز التسوق الي عندهم والحدايق ضروووري عشان اسوي جدول ع السريع وبسسسسسس

يالله اترياااااااااااااااااااااااااااااااااااااااااااااا اااااااااااااااااااااااااااااااااااااااااكم

الوسوم:

7 أفكار بشأن “أفيدوني بالمعلومات عن تايلند .”

  2. مريم
    الرد

    ×.. السلام عليكم ..×

    بخصوص الفندق ماروم أفيدج لأني ما جد سكنت فيهـ

    * بخصوص البيزات أشل ويايه مبلغ بس مب الملغ كامل مثلاً لو شاله 20 ألف، أخلى 15 ألف في الخزنه مالت الفندق و 5 آلاف أشلهن ويايه، بس أحذرج لا تشلين شنطه طويله على الخصر مثلاً بغوا يقصونها عني في بانكوكـ !

    والله عندهم خبره في الصرقهـ، و عادي و انتي شاله شنطه يقصونها و يكون الحرامي راكب ع دراجه يقصها و مع السلامهـ منو بيزخهـ عقب…

    اممم أنصحج إتحطينهن في بوكـ صغير، او لو بتلبسين عباه مفتوحه اتحطينه في مخبا تنورتج أو بنطلونج …

    * الشنط ماركات تايلنديه ما اتراولي في بانكوكـ، جفتهن أكثر شي في " شانغ ماي " …

    و المراكز الحلوه هي ( باتونام، طوكيو أو MBK، سنترال )

    و السوق الليلي بعد حلو و فيه أشياء رخيصهـ

    و اتسيرين و اتردين بالسلامهـ

    ^.^

    ناديـن

  4. mira
    الرد

    ×.. السلام عليكم ..×

    إذا كان المبلغ كبير احطه في الشنطة اللي احط فيها الجوازات و يكون فيها قفل طبعاً

    و احطها وين يحطون الهاند باجز في الطياره او حذالي …

    أما لو مبلغ صغير في البوك طبعاً و احطه في مخبايه

    ^.^

    ناديـن

  5. وفاء
    الرد

    السلام عليكم ورحمة الله وبركاتة

    بخصوص الفنادق الي في تايلند انضاف فنادق واقرب الي المستشفي امبسدور او زينيث
    زينيث امام المستشفي

    بخصوص الشنطة ماركات اسكارفات بتحصلين عند محل فريد علي

    المراكز الحلوه هي باتونام، طوكيو أو MBK، سنترال

  7. كوثر
    الرد

    عزيزتي.. عندج جي دبليو ماريوت فندق 5 نجوم وقريب من المستشفى .. بس زينيث ما يمدحونه .. والثاني ما أعرف عنه .. وعندج أحلى المولات السنترال والوورلد تريد سنتر .. والم بي كي (أشيا رخيصة وبسيطة).. وسيام …….. وووايد مولات عندهم والماركات بتلاقينهم بهالمولات وخاصة الوورلد تريد سنتر والسنترال وسيام …. وفي مولات خاصة بالمولات بنفس المنطقة بتلاقينهم عالشالرع فأشري للتاكسي خل ينزلج .. ترا ما يعرفون لا عربي ولا انجليزي .. الا لغة الاشارة وكمن كلمة انجليزي منقع هههه.. وأنا رايحة السنة بعد انشالله .. أنا تقريباً كل سنه أروحها … وانشالله باجر رايحة باذن الله..
    هيه صح والبيزات خلي في البنك جزء في السيفتي بوكس.. وخذي معاج مبلغ تقريباً 5000 ولا تحاتين ترى الدنيا أمان .. والله الحافظ..
    وتروحون وتردون بالسلامة والله يعافي مرضاكم..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.