أسئلة المقابلة الشخصية في قسم الحسابات ؟؟؟؟؟ساعدوووووني

في أي مقابلة يركزون على قوة الشخصية. والجرأة والثقافة شوية تخصص

الله يا رب يسر امورك – ويفتح عليك – وينيلك مرادك – باذن الله

المقابلة الشخصية حبيبتي من اسمها شخصية يعني بتركز عليك كشخص وعتعاملك وقوة شخصيتك – راح يختبوا ذكائك وهدوئك وسرعة بديهتك – اول شي – وراح يسألوا عن خبرتك وطبيعة العمل اللي مارستيه من قبل وشو كانت اعمالك – اهم شي تجاوبي وانت مرتاحة وما ترتبكي – واتكلمي براحتك – بس اهم شي لاتذكري اي مشاكل صارك معك – وحتى لو كان عندك مشاكل في العمل السابق تكلمي عنها بحيادية دون ما تذمي بحد – ولا تطلعي اسرار عملك السابق باي طريقة مباشرة او غير مباشرة – ولا تذكري اسماء معينة – استخدمي كلمات مديري – او زملاء العمل وهيك …
رتبي افكارك عورقة قبل ما تدخلي المقابلة اقرايها – ودايما اول سؤال بيسألوه …. تكلمي عن نفسك … طبيعة عملك السابق …. مشكلة واجهتيها … كيف حلتيها … تارجت حققتيه … وكيف … وشو نوع الخبرة اللي استخدمتيها لتوصلي للتارجت … شو عيوب شخصيتك … شو ميزاتها …. شو هدفك في العمل … لشو بتحبي توصلي … مع ملاحظة ان الشخص الطموح مطلوب …. واهم شي يحسوا ان عملك بالمرتبة الاولى وبعدين امورك الشخصية …
اما المحاسبة بالذات … فهاي خبراتها بتكون عن طريق تست عملي على برنامج من برامج المحاسبة … اسألي شو نوع البرنامج اللي بيستعملوه بهالمكان … ولو عرفتي حاولي تاخدي فكرة عنه عن طريق النت ….

شغله تانية بتعطيك بوينت اكتر … ادخلي عويب سايت الشركة واعرفي شو نوع هالشركة .. مين مالكها او مديرها العام … وشو نوع الخدمات اللي تقدمها … وين اهم فروعها …. ومن هم عملائها ….
اتمنى اكون افدتك يا رب ….

وطمنينا لما تخلصي المقابلة

تحيات لك حبيبتي