أرجو من ربات البيوت الدخول مصروف! مصروف! مصروف!

موفقه عزيزتي ..

انا لا معرسه ولا اشتغل بس ماحبيت اظهر من دون ما اعلق.. يقولون الخيره فيما اختارها الله…

والله يوفقج ..ومافي احلا من تربية العيال واذا ع المصروف الله يخليلج بو سيف ومابيقصر ان شاءالله

وزين بعد تأخذين اجازه طوويله عسب ترتاحين من التدريس..وتتفرغين للعيال وتربيتهم وهاي بروحها مسؤليه والله يعينج

اختي المصروف يكون علي حسب عدد العيال وكبر البيت والخدم والاهم حالة ريلج الماديه

انا ما اشتغل بس الحين مفكره اشتغل مو مشان الماده بس لان الملل ذبحنيه واحس ان سنين دراستيه وتعبيه مندون فايده

مرحبا ختيه .. الله ايعينج على التدريس قبل كنا مانراعي المدرسات بس والله ياختيه انيه اشتغلت بس شهرين مدرسه كرهت عمري "الورك بليسمنت".. والله الله ايعينكم الجنه ان شاء الله من اللي اتشوفونه مايسد انه في طالبات مايفهمن بعد مشاكلهن وحلي حشاء طفره والله .. وخاصه هالجيل من اتقولين الهم كلمة ردوها بعشر لج !!!!!!!!!! الله يرحم ايام قبل كنا نتروع من المدرسات !!!!

بس الصراحه على هذا كله في خاطريه اشتغل ابا اغير جو اشوف ناس يدد غير ابا اغير روتيني من الملل ويلست البيت لا شغل ولا مشغله بس مش مدرسه … انا من تخرجت وانا قاعده في البيت وطبعا الريل رافض ايقولي انتي فتنه وبعدين شو ناقصنج يوم بتحيديني مقصر خلاف ارمسي عن الشغل يقهر !!!!!!! مع انه اخته تشتغل عادي !!! بس انا لا !!! صح هو مايقصر وماعنده صعوبات الحمدالله للانيه ماشتغل بس الشغل مب شرط للفلوس فيها خبره ومكاسب وتعلم شي يديد .. ولا يلست البيت الا جيه مامنها فايده غير اكل ومرعى وقلة صنعاء ..

صحيح انا ماعنديه عيال بس من ناحية الوحده شو تختار اللاسره اوالراتب فاهني الوحده مايحتاي انها اتفكر ولا تشاور عمرها اكيدالاسره عيالها وخاصه اللي عندها 2 ومافوق ولو اي وحده قالت بحطهم عند اهله ولا اهلها ترى محد يتحمل عيال غيره لو الاهل كل انسان له طاقه وبعد ضروفه .. فاحسن انها اتربي عيالها بروحها والله بيعوضها خير فيهم ان شاء الله ويكفي انها مسؤوليه وباجر بتتحاسب على تربيتهم والله ايعينها ان شاء الله .. والله يجعلهم من الذريه الصالحه ان شاء الله اللي يدعولها بالخير ويكونون بارين ابها باذنه تعالى

يبقى مجرد راي وليس بحقيقه .. واسموحه على الايطاله