أبا طريقــه الحبه الحمره,, ضروووري

اختي قالت لي الطريقه بس نسيتها …

الحين في خاطري حبه حمرا

بتصل بسألها وبرد لج خبر ان شاءا لله

الغاليه شكلي خربطت ..

بس نقلت لج هالطريقهـ من منتدى ثاني

1- ملعقة دارسين مطحون(قرفة)
2- ملعقة فلفل اسود مطحون
3- ملعقة زعتر مطحون
4- ملعقة زنجبيل مطحون
5-ملعقة جلجلان مطحون(كزبرة)
6- 3 ملاعق من الحبة الحمراء (البعض يسميه حب الرشاد)
7- ملعقة هيل مطحون
8- ملعقة سنوت (كمون) مطحون
9-ملعقة كركم مطحون
10- ملعقة حبة الحلوة (شمر) مطحون
11- كوب واحد طحين رقم 2
12- كوب واحد سكر ناعم
13- قطعة زبدة صغيرة

ماي في غوري على النار لمدة 5 دقايق
وعقب تاخذين الماي المغلي وتحطينه على الحبة الحمراء وعلى السكر (طبعا كل واحد بروحه مانخلطهم)
والحين نجيب المقادير التالية بالتساوي ((ملعقة وحدة)) وكلها مطحونة
الكركم- فلفل اسود (حسب الرغبة) اذا تبين الحسو يكون حار ولا لا – دارسين-سنوت-هيل-زعتر-حبة الحلوة-زنجبيل – كزبرة
وعقب ننخل المقادير السابقة كلها ماعدا حبة الحمراء
عقب نجيب الطحين+الزبدة
ناخذ الطحين ونحطه في قدر على نار هادية
ولازم نحركه باستمرار عشان مايحترق
لين يصير لونه ذهبي نفس الصورة
وعقب نحط الزبدة
وبعدين نضيف المقادير اللي خلطناها قبل بهالشكل
ونحط فوقهم الحبة الحمراء (رشاد) مع الماي
ونضيف السكر مع مايه
طبعا الماي حسب الرغبة اذا تبين الجلاب يكون غليظ او خفيف
ونخليه يطبخ على نار هادية
تقريبا لمدة نص ساعة

تسلمين غلااايه عالطريقه

وعســـاااآآج عالقوهـ,,

الغالية أنا طريقتي بالحليب
حسب ماتحبي حليب طازج أو مجفف

الطريقة مباشرة لعمل دلة ( ترمس )

فنجانين سكر يذوب في القدر ثم نضيف الحليب السائل أو مقدار الماء إلي بيترس الدلة وأذوب فيه 4-5 ملاعق حليب بودرة مجفف
بعدها أحط الحبة الحمرا المنقوعة تقريبا ساعة وقليل من الجرفة ورشة فلفل أسود مطحون ورشة زعفران خيوط
أو صبغة الطعام البودرة
وفي نفس الوقت وقبل ما يسخن الحليب أضيف ملعقتين كبار طحين رقم 2 المحمص ولونه ذهبي
وبعد ما يغلي وينضج أصب قليل من السمن العربي اللذيذ

وهنا وعافية

طبعا أنا أحبها بالحليب الطازج وهي لذيذة في الشتاء وتستحق التجربة