خبيرات باريس و خبيرات السفر مع الرضيع

هلا حبيبتي

خذيلج شنطه صغيره للطياره((بامبرس+حليب+ملابس+كلينكس )) مدة الطياره من ٥ ل ٦ ساعات

افضل محلات ورخيص اسمه C&A هالمحل عنده حق كل الأعمار ورخيص وحلوه اشياءه

وامممم يوم نحن نزلنا رحنا فندق اسمه KK كان حلو

اجاااازه سعييده

بالتوفيق

بنات ان شاء الله انا بسافر باريس في نص شهر 12 و لمدة 10 ايام و عندي رضيع عمره شهرين

اول شي شو الاشياء اللي احتاجها و اللي لازم انتبه لها بالنسبه للرضيع
و وين بقدر ارضعه و انا احوط

الكوفيات في كل مكان خذيلج زاويه و اشتريلج ها الغطا اللي ينحط عشان ما يبين وانتي ترضعين ..
بس عوديه ع المرضعه اريح لج في الطلعات .. وبعد يمكن من البرد وانتي مدفتنه بيتم راقد .. اشبعيه قبل لا تطلعين من الفندق
بس المهم اللي ماتنسينه .. الشنطه واغراضها انتي اعلم فيها .. بس له ..
الملابس الداخليه الوارم بدي سوت .. في ماركس اند سبنسر تحصلينهم .. قطن وطويل من داخل ناعم ويدفي .. بس ماعرف لو في اعمار شهرين احاول اذكر ولدي شو كنت البسه ناسيه ..
صح تذكرت .. ماكان له قياسه .. كنت ماخذتله هالشي الجميل من الامازون
JJ Cole Original Bundleme وهني يمكن تحصلينه في دبي مول في بابيل بي او هالمحل اللي يكتب اسم الياهل ماعرف اسمه اللي في مردف مقابل ماماز اند باباز ..
انسخي الاسم وشوفيه في قوقل اللي ينحط في القاري يدفي من قلب .. كنت البس ولدي السنو جاكيت والحف راسه واحطه فيه شو يرقد طول الطلعه من الى نركب السياره .. ولا تنسين للقاري مال المطر الكفر لان اذا ما خاب ظني لو مب ثلج هوا بارد بيكون .. هاللي اذكره مهم ..

الشي الثاني وين اقدر احصل اسواق رخيصه في باريس
و وين اسواق العطور

انا في السفر اخر شي اروح السوق بس علشان الهدايا ف ماعرف وايد .. بس كريسمس الوقت بيكون كله تنزيلات وكل شي فوق بعض ..
اذكر في الشانز في محل لقيرلان .. وماظن ان عندهم عطور حصريه بس في غيرلان اذكر شي وعقب يابو منهن في هارفي نيكليز عندنا ..

الشي الثالث وين افضل الفنادق اللي في باريس

اعشق الشانغريلا مطل ع برج ايفيل ..
وفي الماريوت في الشانز عدال سيفورا حلو عادي

و شو الاشياء او الاماكن او الرحلات اللي ما تتفوت

في هالموقع حطي المكان وبيعطيج اذا عندهم رحلات وجي اختاري اللي يعيبج ..
viator.com

ان شاء الله اكون افدتج بشي ..