تخطى إلى المحتوى
الرئيسية » بوظبي ماليزيا – بوظبي = ساعدوني

بوظبي ماليزيا – بوظبي = ساعدوني

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

مرررررررررحبا بنيات

حبيباتي انا أول مرة في حياتي اسافر مع ريلي وعيالي … من عقب زواج دام 5سنين خخخخخ

واخيرا ريلي وافق يسفرنا .. وانا اقترحت الخطة التاليه طبعا عقب المشورة ….

من 11/10/ لغاية 19/10/

جزيرة سانتوزا في سنغافورة (4)أيام
ماليزيا للحين ماعرف المناطق (5) أيام

2 كبار
3 صغار .. الاعمار= 2،3،4 سنوات

ماعرف شو التخطيط للسفر … يعني الفنادق والبلدان اللي في ماليزيا

حاولت ودشيت بوكنج اشوف الفنادق تعقدت …
دشيت المسافرون العرب … شفت مواضيع لكن ماعرفت الاسعار والفنادق الزينة المناسبة …

في سنغافورة مابي الا الجزيرة (سانتوزا)
اما ماليزيا اقترحوا لي اماكن تنفع للكبار والصغار ..

في الانتظار

الوسوم:

7 أفكار بشأن “بوظبي ماليزيا – بوظبي = ساعدوني”

  2. كنزة
    الرد

    ماليزيا جزيرة بينانغ حلووة وفيها واايد نشاطات للصغار والكبار وكوالمبور حلووة بعد وانصحج بفندق ماريوت الي في شارع العرب

  3. chicha
    الرد

    هلا ختيه.. جدولج حلو ← بس بالنسبه ل ماليزيا
    عندج منطقة جنتنغ ( منطقة بارده و مرتفعه شوي و فيها حديقة ملاهي
    ثيم بارك) واحلى شي فيها جوها البارد و لو تقعدون فيها ليله يكون احسن. وتبعد ساعه و شوي عن كوالا.
    و تقدرون تروحون حديقة الصن واي لاقون ( حديقه مائيه ) ف كوالا. و عندكم ( افاموسا ) حديقة حيوانات حلوه
    وممتعه و بعد فيها ألعاب مائيه اعتقد. وتبعد بعد ساعه عن كوالا.
    وعندج حدايق الفراشات والطيور_ الصبح طلعاتكم للحدايق والمسا شوبينج وتمشيه.
    بالنسبه للفنادق ف كوالا. عندج وايد فنادق راقيه وحلوه_ الملينيوم ف شارع العرب
    و فندق ذا رويال تشولان وفنادق ثانيه بس مايحضرني الاسم الحين وكلهن عن تجربه.
    هذا اللي اتذكره حاليا و السموحه عزيزتي واتمنالكم رحله سعيده وممتعه ان شاءالله

  4. جيهان
    الرد

    عزيزتي بالنسبه لفنادق منطقة جنتنغ ف ماليزيا ( ثيم بارك هوتل) و ( فيرست وورلد) و عندج فندق
    ( أوانا ) بس هذا شوي تحت مب فوق صوب الملاهي لكنهم يوفرون باص يوديكم لمحطة
    التلفريك و منه تروحون لين القمه و حلو.
    اذا بغيتي تستفسرين عن شي الغاليه راسليني ع الخاص لاني يمكن مابشوف ردج هني

  6. كلثوم
    الرد

    المشاركة الأصلية كتبت بواسطة الشيخه انا
    عزيزتي بالنسبه لفنادق منطقة جنتنغ ف ماليزيا ( ثيم بارك هوتل) و ( فيرست وورلد) و عندج فندق
    ( أوانا ) بس هذا شوي تحت مب فوق صوب الملاهي لكنهم يوفرون باص يوديكم لمحطة
    التلفريك و منه تروحون لين القمه و حلو.
    اذا بغيتي تستفسرين عن شي الغاليه راسليني ع الخاص لاني يمكن مابشوف ردج هني

    جنتنج وااااايد حلووة يكفي الطبيعة والبراد .. فندق first world ما انصحج فييه

  7. كنزة
    الرد

    ادخلي على موقع عبر المحيطاتًً هم بيرتبون لج برنامج شامل في ماليزيا
    شركه سياحيه يشتغلون فيها عرب موجوده في ماليزيا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.