بهذه الكلمة تغير كل شيء فيني

روعة فكره الموضوع وكنت افكر فيها..
=======================

اول شـــــــــــــــــــــــــــــــي

صارلي الموقف واني انخطبت لواحد لمده سنه ونص وبعدها ماتم النصيب لانه الريال فجاه قال مايبا يعرس.. .. ضاقت بي الدنيا لاني في السنه النص بنيت احلام وتوقعات وغيره غيره غيره تحلمبها كل مخطوبه …

المهم اتصتل بي خالي وهو انسان دين لاني فعلا تميت اسبوع بحاله صعبه ورمسني وقالي شي

قالي الايمان بالقضاء والقدر مراتب .. وع قد الايمان بالقضاء والقدر على قد مارتحتي بحياتج.. وبعدها كلام واحد ومواقف وايد… قالي لو انكشفلج الغيب وتبينلج انه هالانسان راعي خرابيط وحياتج ماساه معاه شو بتتمنين..؟؟ قلتله اني ماخذته.. قالي الله رحمج من الماساه وحققلج امنيتج دون ماتتمنينها… هالسالفه من 3 سنين والريال للحين ماعرس والله اعلم بالسبب..

بعدها ولله الحمد امنت بالقضاء والقدر وتعلمت اني ماندم ع شي دنيوي. يعني ظهرت من الجامعه بعد سنتين ونص دراسه وقلت الحمدلله يمكن لو تميت فيها بضيع سنين اكثر السنتين ونص ع الفاضي ويمكن لو رحت مكان قبلها كنت تبهدلت ..فكل شي خيره البلاء والنعمه … وقالها الرسول عليه الصلاه والسلام بما معناه ( امر المسلم كله خير.. في ابتلاءه في مرضه في نعمته شكره وصبره كله باجره)..

حتى لو اذنبت احس بالذنب مرات خيره لانه يردني للاستغفار بدل الغفله اللي نعيشها …

يعني الانسان يرضى باللي صارله شو ماكان ودايما يتوقع انه حاله بيكون اسوء لو صار.. مثلا لو تقدمتي لوظيفه وماقبلوج لاتظنين انها نهايه الدنيا تخيلي انج توظفتي وصارت مشكله وفي هالمشكله تشوهت سمعتج وانتي مظلومه بتتمنين انج ماتوضفتي..

يعني الواحد لو رض بكل مايصيبه بيرتاح ومابيحس انه هم..

ثانـــــــــــــــــــــي شي

هالمحاضرة وايد غيرتلي حياتي..

http://www.islamway.com/?iw_s=Lesson…&lesson_id=250

والله يرحمنا برحمته دنيا واخره .. ويعينا على شكره وذكره وحسن عبادته ..

اللهم اهدنا فيمن هديت.. وعافنا في من عافيت..وتولنا في من توليت..وبارك لنا اللهم فيما رزقنا من الخير واعطيت.. نستغفرك اللهم من جميع الذنوب والخطايا ونتوب اليك..

انا حبيت الموضوع واااااااااااايد وحبيت كلامج واااااااايد بس سبحان الله تصيرلنا اشياء وااااايد في هالدنيا ونحس ان مانقدر نتحملها وكيف بنتخطاها بس مع الصبر والدعاء تمر علينا بسهوله ونتعلم منها ….
اما بخصوص الشي اللى غير حياتي ؟؟ فالحمدالله مامريت بتجربة غيرتني تغير جذري
لكن ممكن اقول ان كل يوم يمر في حياتي يمر فيه اشخاص وتصير فيه احداث صغيره ممكن تغيرني

وكل يوم احس اني تغيرت عن امس

واخر شي غير حياتي بشكل بسيط ومازالت احاول اني اتعلم من هالموقف واتخطاه "مشاااااعر الغضب والرغبه في الانتقام التي إنتاااابتني لفراق شخص عزيز" صديقه " بدون اسباب

بس مانقدر نقول غير الحمد الله ع كل حال وهاي دروس في الحياه و لازم نتعلم منها ونستغلها عشان نكون اقوي …

بصراحه فكره حلوه ومفيده في نفس الوقت …

انا صارلي موقف وطلعني من دوامه كنت عايشه فيها ولاهيه فهالدنيا وبلاويها …

كانت عندي ربيعتي اعزها مووووووت ( الله يرحمها )

اهي طالعه في رمضان قبل الفطور بشوي بتروح اتييب لاهلها شي ناقصنهم من الجمعيه ..

واهي راجعه من الجمعيه لحقها واحد بسيارته واشكلها ارتبكت ودعمت عمود على طرف الشارع

وتوفت على طول :*_*: