احس اني اخونه

السلام عليكم ورحمة الله

اليوم فكرت اقول واطلع الي بخاطري لان شي مضايقني ومب عارفه شو اسوي

انا من يوم كنت صغيره احب بيت عمتي وايد احب ايلس وياهم اتريا اي فرصه عشان اروح عندهم

عكس باقي اهلي كبرنا وكبر معي هالحب ..انقطعت فتره طويله ما شفتهم بسبب الظروف بس من داخلي

خاطري اروح عندهم واحس بغيره فضيييعه اذا شفت خواتي ساارن وانا يالسه بالبيت …بعد فتره حسيت

بشي ان كل هالحب كان لاني حبيت ولد عمتي بس بدون محد يدري كيف وليش ما اعرف ..مرت فتره

حتى هو حسيته نفس الشي …وعمتي كانت تلمح انها تباني حتى من نظراتها لي ..ومرت شهور وانا

انخطبت الريال زين الحمدلله مافيه عيب وانا وافقت لان الكل كان يقولي النصيب مره مب كل يووم ..

وتيسرت الامور بسرعه حتى ما كنت متوقعه انها بتصير ملجه بهالسرعه …كنت ابين اني فرحانه بس

والله كنت متضايقه وايد حسيت خلاص ما اقدر اقول لا ..كانت لحظه صعبه حسيت دموعي بينزلن

قدامهم …يلست اهدي نفسي واستغفر عشان اكون طبيعيه ..وياتني فتره كرهت خطيبي واهله ولحد

الحين ما احس اني احبهم احاول اتقبلهم بس ما اقدر… ادعي ربي ليل نهار يقنعني فيه هو اهله لكن ما

اقول غير الحمدلله ع كل حال …ما ادري ليش حبيته بطريقه جنونيه اثر ع حياتي ..حتى يوم ارمس ريلي

ايلس افكر بولد عمتي ….احس اني اخون زوجي بمجرد تفكيري بغيره…اغار اذا احد ياب طاريه واحس

كل جسمي يرجف ودموعي ينزلن …امووت 100 مره اذا سمعت امي تقول شكلهم يبون اختي ..احس

حياتي ضايعه ما اقدر اتحكم فيها ما اقدر ابعد هالحب من قلبي …احيانا استغفر الله اتمنى يصير شي

بأختي عشان ما تروح عندهم مب حسد لا والله ما ادري ليش جي يصير…بعدين ايلس استغفر ليش انا

اقول جي هذي اختي ..

دخيلكم والله تعبانه قولولي شو اسوي ؟؟
حتى لحد الحين احس ان نصيبي ف بيت عمتي ؟؟

السموحه ع الكلام بس وايد بخاطري ما عرفت كيف اطلعه ابا النصيحه الله يخليكم خاطري اعرف ليش

قلبي متعلق فيه لهدرجه مع ان ماشي تواصل بينا .