الكويت ممكن مساعدتكم؟

الافنيوز مكااان خبااال وسوق المباركيه ولستي سنتر شي يقولوله المعلم

منطقة حولي : مجمع المهلب ، ش ابن خلدون في محلات وايد ومنها محلات الذهب و محلات متنوعه بهذا الشارع ، مجمع النقرة الجنوبي والنقرة الشمالي .

منطقة الفنطاس : (قريبه من الفحيحيل ) شاطىء العقيله او منتزه العقيله .
منطقة الفحيحيل : مجمع كويت ماجيك – مجمع الكوت – ومجمع المنشر –

السالميه القديمة : مجمع زهره – وفي محلات قديمة موجودة بالسالميه القديمه .

سوق الكويت مقسم لاثنين : السوق القديم ويسمى سوق المباركيه ، جميل ورائع . وفي سوق بجانب مجمع الصالحيه اسواق قديمه قديمة ، كثير حلو ، ومقابل مجمع الصالحيه في مجمع المثنى ان شاء الله يعجبج

وبعد في سوق الكويت : في سوق شرق انا عن نفسي احبه لان هادي وراقي

وطبعا عندج السالميه المارينا والافنيوز

المطاعم : ميس الغانم على شارع الخليج البحر مقابل الابراج ، وعندج الابراج ، برج الحمام ، كلهم على البحر ، وطبعا في مطاعم وااااااااايد على البلاجات يعني ( البحر )

اتمنى اني افدتج

مشكوورات ما قصرتوا سااافرت ورجعت بالسلامة توني لحقت عالمووضوع ..
قصر الحب الصراحه انصحج تسيرين الكويت وايد حبيتها جد جد حلوة وما تنمل..

اختااري فنادق قريبة من المجمعات..لانه بيتعبج التوصيل…
ولو تآجرون سياره وايد بترتاحوون لووول

نحن سرنا فريج صويلج اكلهم لذيذ وااااااااااااااااايد وسرنا المباركية يوم كامل ..وسرنا مجمع الافنيوز خيالي والله حبيت المجمع هذا …وجي يعني
ما مدالنا لان بس 3 أيام ويا ريت لو خلينااها أسبوع لووول