استعباد الناس صار عادي عند البعض

استغفر الله ,,شو هالتفكيــر ,,, لافرق بين عربي ولا عجمي الا بالتقوي …وشوه بلاه اللون الاسود …الله سبحانه وتعالي خلق الانســان بأحسن صوره ..وهاييل اللي مايخلون من دمهم يالسين يطنزون لا فوق هذا مديره المدرسه وغيره ….
الله يهديهم اللي يفكرون بهالتفكيـــر …ماعليج فديتج الدنيا بدور عليهم …(ذكرتيني في وحده ويانا في المدرســه قالت يخســى ان اتزوج واحد أســود ..وانا عصبت عليها قلتلها مافي فرق بين الابيض والاسود …كلنا واحد وكلنا عيال أدم وحواء …سبحان الله أقولج دار الزمن ,,وهاي السالفه من 6 سنين والله ماقصــ عليج يالغاليه شفتها ف الصالون يالسه تصبغ شعرها والي اخره اونه عاد ماعرفتني وعقبها انا سلمت عليها ويت امها عطتني بطاقه عرسها قالت هاي البطاقه نباج تين العرس …انا استغربت هالشىء ماطلع من البنت خخخ الموهيم قلت ان شاءاالله بحضــر …وانا ف العرس الموهيم دخلت هي القاعه ,,,(طبعا البنت بيضه) بعدين دخل ريلها والله بطلت حلجي وعل طول تذكرت قلت سبحان الله امسات قالت يخسي اتزوج واحد اسود واليوم هي اتزوجت واحد اسود …يوم سرت اسلم عليها قلتلها شفت تذكرين يوم قلتلج لافرق بين أبيض ولا اسود قالت صدقتي والله اني اموووووووووت عل ريلي ..قلتلها الله يديم المحبه بس زمنا هذا مااييلس يقول يخسي ويلس يعيب عل خلق الله )

انا مووووووووووووول ما احب هاي العنصريه .. والله نحن مسلمين ونعرف ان ما في فرق بيننا الا بالتقوى …. والله قهر يوم مديرة مربية اجيال جي تقول عيل الحرمة الي ما تعلمة شو تقول ؟؟؟؟

الله المستعان

طبعاً العنصريه مرفوضه ،،، والمفروض الواحد ما يعلق هالتعليقات ،،، حتى ما يجرح غيره ،،، بس ف الانساب والزواج اسمحيلي بس الواحد يختار الانسب